Shillong: U myntri ka tnad ka koit ka khiah, u ba dei ruh u MLA na ka party Bharatiya Janata Party (BJP) u bah Alexander L Hek u la ong “Ngim ju leh politic mynta, hynrei ngi leh politic tang ha ka por ba don ka election”. Kane ka long ba u la jubab ia ka jingkynnoh jong u MP na ka jylla u bah Vincent H Pala ba ka jingkhein kaba la wan na ka liang ka PGI ka dei ka kam politic jong ka party BJP.
U bah Hek u la ong “Ka kaiphot ka dei kaba wan na ka Performance Garding Index kaba dei ka institution ka ba la ithuh, ka ba la pynpaw ba ka jylla Meghalaya ka dei ka jylla ba hiar tam ka pule puthi ym ba ka wan na ka ophis jong ka BJP”.
Kane ka dei ka jingshisha bad kum ka jylla ka dei ban pdiang ia kane bad kam dei ka por ban shu ia kynnoh iwei ia iwei hynrei ngi dei ban ia trei lang ban kyntiew ia ka jylla.
Halor ka jingkynnoh jong u MP ka jylla halor ka kaiphot jong ka PGI, ym dei ban ia kynnoh hynrei dei ban ia trei lang ban ia kyntiew ia ka jylla haei ba ka jylla ka duna u la bynrap.
“Ngim ju ia leh politic mynta ngi leh politic tang ha ka por ba don election, hynrei ym mynta, mynta ngin hap ban ia snohkti lang ban ialeh ban kyntiew ia ka jylla ngi dei ban wad ia ka daw ba ka jylla ka hiar ha ka pule puthi ym ban shu ia kynnoh” u la ong.
Hiar ka ri khasi jng ngi dei ba bam sap palat ki 60 ki MLA jng ngi.. namar Kim don por ban piet ia ka roi ka par ne ha kaba pynbha ia ki education policy. Ki don por tng ban shna pisa bad ba die ia ka ri baroh kawei. Da kynmaw mo paitbah baroh ka election kam poi shano2