“UBA HOK U ÏIENG SKHEM”

Dr. Bankit Marpna

Ia uba hok yn nym lah ban pynkhih da lei lei ruh em. U skhem hi triang, kumba long u mawsiang. U Blei U don ryngkat bad u bad U kyrshan ia u khnang ba un nym kyllon. Ki jingjynjar ruh ki lah ban don shibun hynrei U Trai U la kular ban pyllait ia u, kaba mut ban pyllait ia ki jingjynjar la ka long ha kano kano ka rukom. Haba ong ia u, kam mut tang ia u briew hynrei ka mut ia ki briew kiba shaniah ha U, la ka long ki kynthei ne ki shynrang, kaba mut ia ki briew hi. Kaba kongsan eh pat ka dei ba ki donkam ban bret lut ha U ia ki jingkit ha ka jingim jong ki khnang ba U Blei Un kyrshan ia ki. To ngin ia peit mynta na ka Ktien jong U Blei ban pynshong nongrim ne pynskhem ia kitei ki jingkren haneng.

“To bred ia la ka jingkit halor U Trai, te un shan ia me; un ym shah ban pynkhih ia uba hok lano ruh “(Ki Salm 55:22)

“Ki jingjynjar uba hok ki long shibun: hynrei U Trai u pyllait ia u na ki baroh”(Ki Salm 34:19)

U BLEI UN KYRKHU, AMEN