Peshawar: 24ngut ki nongshong liengsuin, kiba wan na UAE, ki la hap ban shong kyrpang ialade, hadien ba ki ksew, kiba la shah pyntbit kyrpang, ki la bat ia kitei ki briew, halor ka nongrim, ba ki dei kiba don ia ka khlam corona virus.
Ka liengsuin jong ka Pakistan, ka PK-218 na Abu Dhabi, ka hiar khyndew ha ka kad liengsuin ha Peshawar ha ryngkat bad 128ngut ki briew kiba shong ha katei ka liengsuin.
La pynlong, ia ka rapid swab tests ia kitei ki 128ngut bad na kitei ki 128ngut ki ksew, ba ki la bat noh ia ki 24ngut bad kaba pyn thikna, ba ki dei kiba don jingpang covid 19.
Ka jinglap ki stad ha UK, ka pyni, ba ki ksew, ki lah ban lap thikna ia kiba pang covid 19 bad ki lah ban pyn thikna hapdeng ka 92 haduh 94.3 percent bad ki ksew, ki lah ban lap ia kitei kiba pang, lada dei ki bym paw dak shabar ruh bad ia kito kiba don ki jingpang bapher jong ka covid 19.
Phi don ban ong eiei?