Shillong:U myntri u ba dei peit ia ka tnad ka koit ka khiah, u bah Alexander L Hek u la ong ba ka rai ban bteng ne ban weng ia ka jingkhangdam kan shong ha ka jinglong jingman jong ka jingpang Covid ha ki 10 haduh 15 sngi.
Haba ia kren bad ki lad pathai khubor, u bah Hek u la ong ba ban shim ia ka rai ban weng noh lane ban dang bteng ia ka jingkhang dam kan shong ha ka jinglong jingman jong ka jingpang Covid ha ki 10 haduh 15 sngi ym tang ha ka shisngi lane ka arsngi.
U myntri u la pynshai ba ha kine ki khyndiat sngi ka la don ka jinghiar ha kiba iohpang, kiba khlad ki la hiar bad ka la don ka jingkiew ha kiba ioh jingkoit pura, hynrei wat la ka jinglong jingman ka la kham bha hynrei ym pat long ban shim sting.
“Ban ia mynta hi wat la ka don ka jinghiar kiba khlad bad ki ba ioh pang ha ka jylla, hynrei ngin ym pat lah ban kam ba ka jylla ka la long ka ba shngain ha ka ba iadei bad ka khlam”u la ong.
Na ka liang u bah Hek, u la kyntu ia ki nongshong shnong ba kin snoh kti lang bad ka sorkar “Lada ki nongshong shnong, kim treh ban snoh kti lang bad ka sorkar kan wanrah biang ia ka jingeh namar ba tang ka sorkar kan ym lah ban tehlakam ia kane ka khlam”u la bynrap.
Phi ki nongthoh khubor ruh phi shu ia long kum ki maw phim ia lah ban buh tang kawei ka jing kylli ruh, da ei ki paidbah kin ia thied mar bam haba ka pisa kam don bym ioh jing bylla.