Tohkit ka MHRC, halor ka jingiap ka nos

Shillong: Ka Meghalaya Human Rights Commission (MHRC), ka la rai ban tohkit, halor ka jingiap jong ka nos, ka kong Manisha Turnia, kaba la ar met la 24 taiew. Ka Commission, ka shim ia ka jingtohkit, hadien ka jing ujor jong ka Meghalaya Pradesh Mahila Congress, ha kaba la kynnoh ba ka don ka jing leh bym salia bad khanglad, ba kan shong shuti, na ka jing ar met jongka bad kaba la ialam sha ka jingiap noh jong ka nos, kaba trei ha Ganesh Das Hospital.

Ka komishon, ka la pdiang ruh ia ka jing ujor jong U Yeahyea Hussain, uba dei u marjan iing jong uwei na ki nongtrei dewiong, uba la hap ha katei ka krem dewiong ha East Jaintia hills. La phah ia baroh ar tylli ki jing ujor sha U Chief Secretary ka sorkar jylla, ha kaba la ai por shiphew sngi, ba un ai jingtip.