Bitar u tnga, ba ioh shi ioh khun kynthei, u bret ia ki hapoh pung um

Uwei u briew, ula khluit hi lain ia ka tnga lajong, ba ka shu kha shi kha, da ki khun kynthei.

Katei ka dei ka jingjia ha Chhatarpur jong ka Madhya Pradesh bad ha ka jing bitar, ula bret ia la ka tnga bad kitei ki khun kynthei sha kawei ka pung kaba jylliew, ha ka sngi U Blei ba ladep.

Kawei ka khun kynthei, ka la ngam jyllop, ha katei ka jingjia, hynrei ka lok bad kawei pat ka khun rit, kaba dang lai bnai, ki la lait da ka said, na katei ka pung kaba jylliew.

Katei ka jingjia, ka long hadien ba kitei ki ia wan phai, na iing ki hynmen jongu, hynrei ha ka jaka ban leit phai sha la iing, ula leit ialam ia ki sha kawei ka pung kaba don hajan bad u pynieng ia ka thuk thuk jongu, hadien jng ka pung bad mar kumta, ula khynniat ia ka tnga jongu lem bad ki khun rit sha katei ka pung bad mar kumta, ula phet bak ialade na katei ka jaka.

Katei ka lok jongu, kaba bat halade ia itei i khun, iba dang lai bnai, ka la ioh ban jngi sharud jong ka pung, hynrei ka khun heh jongka, ka la ngam jyllop.