KA CHOLESTEROL

Kong Linda Kongwang

KA CHOLESTEROL: Ki lynti ban kyntiew iaka jingdon ka cholesterol kaba bha bad ki jingbam kiba lah ban iarap pynduna ka cholesterol.

Ban pynneh ia ka jingbiang ka cholesterol ka dei kaba donkam bha naka bynta ka jingkoit jingkhiah jong u klongsnam. Ka jingkiew ban don ka cholesterol khamtam ka cholesterol kaba sniew (LDL) kadei kaba lah ban buh jingma halor ka koit ka khiah jong u klongsnam. Ka jingkiew ban don ka cholesterol kam shymdei satia kaba hiar pateng, hynrei ka jingjied ka rukom im kaba shong suk bad ka jingjied iaki jingbam kiba bymtei kadei kaba lah ban wallam kane ka jingshitom. Kito ki briew kiba jur ban don ka cholesterol ki donkam ban pynjur ka jingkilan met bad jied ki jingbam kiba lah ban kyntiew halor ka koit ka khiah jongka met bad pynbiang halor ka jingdon ka khlein (fats) haka met. Ban pynneh iaka koit ka khiah jong u klongsnam phi donkam ban jied iaki lynti bad ki jingbam batei ban ban kyntiew iaka jingdon ka cholesterol kaba bha. Kine harum kilong ki katto katne ki lynti kiba phi donkam ban leh bad ki jingbam kiba tei kiba phi donkam bam ban kyntiew iaka jingdon ka cholesterol kaba bha bad ruh ban kyntiew iaka koit ka khiah jong u klongsnam.

KI LYNTI BAN KYN KYNTIEW IAKA JINGDON KA CHOLESTEROL KABA BHA.

1. KA JINGKILAN MET:— Ka jingkilan met kadei ka lynti kaba bha tam ban pynduna ka jingma ban ngat na shibun ki jait jingshitom bapher bapher. Kadei ruh ka dawai bah kaba lah ban iarap kyntiew iaka jingdon jongka cholesterol kaba tei bad tehlakam iaka jingdon ka cholesterol kaba sniew. Ka jingshim bynta ha kano Kano ka jait jingkilan met kaba lah ban iarap kyntiew halor ka jingkoit jingkhiah jongka bor met bad ka jingkilan met da kaba iaid sted kumba 30 minit ei ei kadei kaba lah ban iarap ha kaba pyndonkam iaka cholesterol kaba bha.
2. KA JINGPYNDUNA IAKA JINGKHIA: Ka jingkhia palat ka met ka buh jingma ban ngat na shibun ki jingpang jingshitom. Kalah ruh ban kyntiew iaka jingma halor ka jingdon bun ka cholesterol kaba sniew. Ban kyntiew iaka jingdon ka cholesterol kaba bha, pii donkam ban pynhiar ka jingkhia lada ka met jongphi ka khia palat. Jied ki jingbam kiba lah ban pynduna ka jingkhia palat ka met.
3. SANGEH SHISYNDON KA JINGDIH SIKRET:— Ka jingdih ia u sikret kadei kaei kaei kaba baroh ngi tip ba u dei jait jingdih uba sniewtam naka bynta ka koit ka khiah jong ka met. Ka jingkyrni ban dih duma ne sikret ka don jingiadei ban don iaka cholesterol kaba sniew. Ban sangeh shisyndon ka jingdih duma ne sikret kalah ban iarap kyntiew biang ka jingdon ka cholesterol kaba bha. Namarkata lada phi dei kito kiba kyrni ban dih sikret, wad ki lad ki lynti kiba lah ban iarap iaphi ban iehnoh ia u sikret.
4. JIED IAKI KHLEINNKIBA DEI:— Bun ki briew ki ju leh iakane ka jingbakla khamtam kito kiba sngaid bad khia palat ka met, ki ju pyrshang ban weng luit iaki kynja khleiñ naki jingbam kiba ki ju bam da kaba pyrkhat ba kidei kiba ymlong koit longkhiah naka bynta ka met. Hynrei haka jingshisha phi dei ban nang ban jied hapdeng ki khlein kiba bha bad ki khlein kiba sniew. Kiar naki jingbam kiba donkam saturated fat bad ki trans fat bad jied ki jingbam kiba riewspah da ka jingdon ka Omega3- fatty acids.

KATTO KATNE KI JINGBAM KIBA LAH BAN IARAP PYNDUNA IAKA CHOLESTEROL.

1. U RIEWHADEM :— u riewhadem la ju tip ba u dei u jingbam symbai uba riewspah haka jingdon ka fibre kaba lah ban iarap na ka bynta ban pynbiang ka jingdon ka cholestrol haka met. Une u jingbam u dei uba dap kyrhai daka jingdon ki nutrients kiba ai jingmyntoi ha kiba bun ki liang jong ka jingkoit jingkhiah .U riewhadem udei uba duna ban don ka calorie ka ba lah ban iarap pynduna na ka jingma ban ioh ia ka jingpang klongsnam.
2. KI SOH EHSNEP:— Ki soh ehsnep kiba kynthup naduh ki soh khyllam, ki walnut bad ki shana budam ki dei napdeng ki jait jingbam pynbyrngia kiba lah ban ai jingmyntoi ha ka liang ka koit ka khiah khamtam haka ba ia dei bad ka jingpyrshang ban pynduna ka ka cholesterol. Kine ki soh ehsnep ki dei ki thymmei ba dap kyrhai da ka jingdon ka fibre, la protein bad ka mono-unsaturated fats .Phi lah ruh ban kynthup ia ki shyieng symbai kum ki tiew sngi bad ki shyieng pathaw napdeng ki jingbam ba phi bam bad jied ka rukom bam Kapha -pacifying diet. Ka jingbam is kine ki soh ehsnep bad kine ki symbai ka lah ban iarap pynduna ka jingdon ka LDL cholesterol bad ka triglycerides, kine ki lah ban iarap pyllait na ka jingshah khang lynti ha ki thied snam.
3. KI SOH BAD KI JHUR:— Ki soh bad ki jhur ki dei kiba duna ban don iaka calorie bad kiba riewspah da ki jingdon ki Vitamin, minerals ,ki fiber, bad ki antioxidants kiba lah ban iarap halor ka jingduna ban don ka LDL cholestrol kaba lah ruh ban ai jingiada na shibun ki jingpang. Ki soh bad ki jhur ki dei kiba ai jingmyntoi shibun ha ki ba bun ki liang ka koit ka khiah. Ki duna ban don ka fat bad ka sodium ki ba lah ban ai jingmyntoi ia ka koit ka khiah jong u klongsnam.
4. KI JINGBAM BA IOH LYNGBA KA DUD:— Ka dud ka duna kadei kaba ban don ia ka fat , kumta ka jingpyndonkam ban dih ia ka dud ba lashet pynthnam bad dih ha ka por baka dang syaid ka long kaba bha na ka bynta ka jinglah tyllait jingbam. Kan kham bha lada phi dih ia ka ha ka por mynstep bad kiar ban dih haka por ba la kdang bad kiar ruh ban bamlang bad ki jingbam bajew ne kthang mluh. Ki jingbam ba ioh lyngba ka dud kum ka doi bad ka butter milk ki dei kiba paw ba ki long kiba bha ban bam.
   Khublei.