Ha ka 27tarik Jymmang, 2021 na ka jong ngi ngi la pan jingpynshai lyngba ki lad pathai khubor na u bah Charles Marngar halor ka jing kam jong u lyngba ki lad pathai khubor ba ka Meghalaya ka dei ka Christian State. Ha ka 31tarik Jymmang, 2021 na ka liang jong u, u la pynshai ha ki lad pathai khubor.
Ha kaba nyngkong ngi sngew ban ai khublei ïa ka jinglong la kloi jong i bah Charles Marngar ban pynshai sha ka Jaitbynriew halor ka jing kam jong i ba ka Meghalaya ka dei ka Christian State. Hynrei ka jing pynshai jong i ka pyni shuh shuh ïa ka jinglong arsap bad ka jing said ksan halor ka jing kam jong i. Kumta, kum ki trai Ri trai Muluk (Concern Citizens) ngi hap ban kynthoh bad pan jingpynshai shuh shuh na i kumne harum:
- Haba u ong ba ka Meghalaya ka dei ka Christian State ka dei namar ba kiba bun na ki nongïalam ha ka kam Saiñ Hima Sima ki dei ki Kristan. Ka jingkylli kaba ngi kwah ban pan jingpynshai biang ka long ba hato tang na ka daw ba kiba bun na kita ki nong saiñ hima sima ki dei ki kristan, yn khot noh ïa ka Meghalaya da ka Christian State? Lada ka long kumta, hato kita kiba dei ki Kristan khamtam u bah Charles Marngar um/kim dei shuh u/ki Khasi haba u/ki lah sngew jan ïalade ban khot ïa Meghalaya da ka Christian State ym shuh da ka Hynñiewtrep-Achik State? Lada u bah Charles Marngar u kam ba ka Meghalaya ka dei ka Christian State, hato ma u u dei u kristan ne u Khasi? Hato u long MDC na ka bynta ban pynneh pynsah ïa ka Riti Dustur jong ki Kristan ne na ka bynta ban pynneh pynsah ïa ka Riti Dustur, ka Hok Longtrai jong ka Jaitbynriew Khasi?
- Haba u pynksan ïa ka jing kam jong u ba ka Meghalaya ka dei ka Christian State ka dei halor ka nongrim ba kat kum ka census 2011 ki Kristan ki don 75%. Ka jing pan jingpynshai jong ngi na u ka long, hato u bah Charles Marngar u kynthup lang ïa kito ki dkhar poiwir rynjiw rynjaw kiba la long kristan kiba la ïoh rung ha ka census 2011 ha poh Meghalaya ne u kheiñ tang ïa ki Khasi? Lada u kynthup lang ïa kito ki dkhar rynjiw rynjaw kiba long kristan ha ka tei ka thup jong ka tei ka 75%, hato kam dei ba u la pynlongtrai ne pynsngew trai ïa ki to ki dkhar kiba wan poi shong wir sha kane ka Jylla jong ngi bad kheiñ nongwei ïa ngi ki Trai Ri ki Trai Muluk kiba don ha la ka jong ka Riti Ka Dustur, ka ktien ka thylliej, ka Niam ka Rukom, ka Kheiñ Kur kheiñ kha kaba kynsai? Ka paw shai kdar hangne ba dei ba don kum ka tei ka jingmut kumba don u bah Charles Marngar kaba la pynlong ne pynkhih mynsiem ïa kiba bun ki shnong ne ki para ri jong ngi ban kheiñ trai shnong ïa ki dkhar tang na ka daw ba kito ki dkhar ki dei ki kristan bad ban kheiñ nongwei pat ïa ki Trai Ri Trai Muluk tang na ka daw ba ki bat skhem ïala ka jong ka Tynrai (kim kylla kristan). Ha kumta, ki la mih bun bah ki shnong kiba ym shah ïa u Khasi uba don ha ka Tynrai ban pyndep ïa ka Niam ka Rukom kat kum ka jinglong, jingngeit Khasi hala kane ka Ri lajong, hynrei ïa u dkhar rynjiw rynjaw pat la bhah kyrpang naduh ka jaka ka puta ba un ïoh jaka tep, ban thaw ïng mane, ban ïoh khaw rahson bad kiwei kiwei pat ki jing shah ñiew shiliang khmat da ki shnong ne ka imlang sahlang ïa ki Trai Ri Trai Muluk. Ngi ïaroh ïa ka jing sngewkhia jong u Bah Charles Marngar halor kaei kaba u kyntu ïa ka Sorkar bad ki paidbah ba kim dei ban ïa kawang ktieh ha kum kane ka por ba don kane ka khlam covid-19. Hynrei, horkit hordang ngim lah pat ban pdiang ïa ka jing kam jong u ba ka Meghalaya ka dei ka Christian State. Sa shisien pat ngi dawa na u bah Charles Marngar ba u dei ban pynshai sha ka Jaitbynriew Hynñiewtrep halor ki tei ki mat kiba ngi la pan jingpynshai ha ki ar bynta bad ban pynshai hapoh ka 7 sngi naduh ba kane ka jingpan jingpynshai ka mih ha ki lad pathai khubor bad lada um lah ban ai ka jingpynshai kaba biang, na ka liang jong ngi, ngim bynse ban ïaid beit noh sha khmat ban ujor halor ka jing kam jong u ba ka Meghalaya ka dei ka Christian State kaba long pyrshah ïa ka Riti shynshar jong ka Ri India bad kaba ula ïuh roit ruh ïa ka matti ki longshuwa manshwa jong ngi khamtam eh kum ïa u Tirot Sing bad u Woh Kiang Nangbah bad kiwei kiwei pat ki khla ka wait kiba la aiti lut met bad mynsiem na ka bynta ban pynneh pynsah ïa ka nam ka burom bad ka kyrteng jong ka ri ba ieid eh jong ngi. Khublei Shibun,
Na,
- E. Sohtun, East Khasi Hills District
- J. Lyngdoh Marshillong, South West Khasi Hills District
- N. Chen Bareh, Jaintia Hills District
- A. Nongkhlaw, Ri Bhoi District
- Bad kiwei kiwei.
Hmmmm lah shit puk kane ka kam.
Haduh mynta ym pat don ka Ain (Ordinance/Act) ban ong ba ka jylla ka dei Hynniewtrep Achik State, te ka jingpyninia kam don nongrim. Long kumjuh hi kum ba ong U ong Christian state U Bah Marngar kata khlem nongrim.
Kata baroh kadei tang ka kam bishni bad kwah wad dong wad daw para khasi balei tang ba ong Christian state ka la ktah iaka imlang sahlang..phi sngew heh ban ia kop nia para khasi ia u dkhar u Garo phi nud ban ang shyntur?…ka lynti ka dei ban pyni para khasi ban pynbeit lem iarap lem para khasi phewse ..phi kwah woh nia pynban kamut ki nong kynthoh ruh ki dei kiba arsap balei tang ia u ba phi inud phi kwah kop nia ha ba phi la stad shisha ka jabieng te kob lut kein ymdon Dkhar,ne phareng,Garo ruh balei tang ia ki para khasi
Haha kamkai suda kine ki nongpan jingshai ….kwah wohdong te wahdaw te tang ban mih kyrteng ha kotkhubor ban sngew Hiro lockdown………..nga ithuh bha iakine ki bapli isynei teng2 hakane ka por lockdown lei .. concentrate noh haka kam seh bah….niii ilehrain te iaphi ki bapli katba kren shu lait lut ……
Kine ki riew khlem kam riew kai ba shu apthap ban wohnia sa ia ka ei ka bym da I don jingmut la kum kito ki miaw ap khnai …haba ki kham sngew stad eh balei kim ju mih pyrthei haba ka ri jong ngi ka don ki jing ia khih na bynta u pud u Sam, jing ia khih CAA, jing ia khih ILP..sha ei ki jah kim ju mih kyrteng ha kot khubor ha kum kita ki por. Ki wan rah ia kane ka ishu tang ban pynpra ia ka jinglong tylli jong ngi ki khasi. Lada phmut shisha ban iaid sha ka Ain …to pyrkhat bha shwa 10 sien ioh phi long kumba phi riam pynban ialade. Ka jait bynriew khasi baroh kin kyrshan ia I bah Charles … Phi hap pyrkhat bad Weng kloi ia kane ka Jing pan jingpynshai ba phi la buh … Wat kwah than ban ialeh para khasi para doh para snam. Lada phi sngew khlain ialeh bad ki wei pat ki jait bynriew kiba pyrshang ban iuh roit ia ka jait bynriew khasi jong ngi…
Hato phi ki khasi Meghalaya ki dei ki Cristian seh,lada phi sngew dei ki Cristian phi dei ban leit Sha Rome bad Sha isreal nai pyn jaboh ha ri khasi hynniew trep,balei phi kwah ban khot Cristian state hato Kane kam dei ka ri khasi,tangba bun kita Cristian phin pynduh ia ka kyrteng Jong Kari phi pynmih da ka jait kyrteng kiba nabar ri,lada phi sngewthuh ba dei ka Cristian state ba nabar nai iakhih ilp nai iakhih dkhar ai ba kin ia shong kyllum, ha ba ym dei achik hynniew trep,bad lada don kano2 ka Jing iakhih nai pyrta shuh ri khasi ri umsnam ki long shwa,phi dei ban pyrta noh ri Cristian na shiliang duriaw lada phi lah sngew dei Cristian state.
Bah sngewtynnad ïa ka jingthoh jongphi. Tangba nga pat nga isih palat ïa ka kyrteng ‘Meghalaya’. Lada long kaba lah na ka liang jongphi ïakhun tyngeh noh seh ban pynkylla ïa ka kyrteng ‘Meghalaya’ sha ka ‘Khasi Land’ namarba don bun ki khasi te ban ïa ki Garo ruh. Balei ban ïa khun para khasi namar ka kyrteng ka jylla ruh da ka kyrteng ba ai ki poi-ei bad ka kyrteng ka jylla ruh kam ïathuh eiei re shaphang ki jaitbynriew ba shong ba sah ha Meghalaya. Nga sngew kob shlur bha ïa phi bad nga ngeit phin trei shitom lem ïa kane ka jingkyrpad jongnga.
Khublei shibun.
Ki nong wad daw ki nong woh dong ki ap pynwit na kadiang na kamon sa ia kaei2 ka bym long khaw ruh kwah pyniaheh ñia balei me pyniahap ia ka ñiam bad ka Jaitbynriew…Me lah sngew pang mynsiem palat ne ba me iadei Hindu me iadei Muslim marwei2 balei mem pan jingpynshai shwa na ki riewstad ka pyrthei balei ia ka Ri India ki ia khot ka Ri Hindu.
Lada phi ieit jait bynriew haduh katta te pynioh ilp ma phi mawei seh ngin ia peit kai…por ia khih ilp ma ngi ki seng bha lang pat phi don sha ei bah…katta ruh phi og ieit ri