JIA AIU HADIEN KI 3 SNEM SHITENG?

AIS SUJA

Jia aiu hadien ki 3 snem shiteng (bad hadien ki 30 sngi) kamut hadien ki 1290 sngi ba la ong da u Daniel? Daniel 12:11.

Kat kum ka jingkhein snem Bible don 30 sngi shibnai. Shisnem long 360 sngi. 3 snem shiteng long 1260 sngi + 30 sngi = 1290 sngi ba la ong da u Daniel 12:11.
Kane kamut ba u Mrad khlaw ne u briew ka pop (man of sin) un ioh ban synshar ia kane ka pyrthei tang 1290 sngi. Daniel 12:11.
Hapoh kine ki 1290 sngi, kandon ka jing jia ba shyrkhei ia kane ka pyrthei. Hapoh kine ki 1290 sngi yn plied ia ki 4 tylli ki jingpyndait kiba sah; ka kulai bthuh. Jingpynpaw 6:7-8. Ka jingplie ia ka Duwan. Jingpynpaw 6:9-11. Yn plied ia ka jingpyndait ba 6, ka sngi kan kylla jain shniuh, u bnai un kylla snam, ki khlur kin hap sha khyndew. Jingpynpaw 6:12-17. Yn plied ruh ia ka jingbitar u Blei ia ka pyrthei dakaba ynthang lai bynta ia ka pyrthei, lai bynta ia ka duriaw, yn pynkthang ia ki um ki wah, la pyndum ia ka sngi, u bnai, ki khlur, ka jing pynkordit ia ki bymdon ka shap u Blei, ban kanlong ruh ka sngi jingpyniasuk (day of Atonement) Daniel 9:24. Jingpynpaw 8: 7-12. Jingpynpaw 9:1-2. Kumta lakut noh ki 7 snem ia kaba u Daniel u ong – ka shi taiew.

Hadien kine ki 7 snem, u Blei u dang bteng pat sa 30 sngi. Daniel 12:11 (kata ban dap 1290 sngi).
Hapoh ki 30 sngi ruh kamut ba u Mrad khlaw u dang synshar hi ha ka jingbitar kaba khraw. U Blei pat hapoh kine ki 30 sngi un pyndep lut ia ki kam kiba sah, bad un theh ruh ia ki 7 tylli ki pliang jingbitar ki bakhadduh sha ka pyrthei.
Katto katne ki kam ba u Blei un pyndep ki long – ka jingiaid paidbah na Edom sha Jerusalem. Hosia 6:1. Kandon ka jingiam briew bajur ha Jerusalem. Sekhariah 12:10-13. Ka jing pynkhreh ia ki Israel sha u lum olib (Mount of Olives). Sekhariah 14:4-5. Exodus 14:21-24.

Katba kine ki jingjia ki jia ha pyrthei habneng pat ka don ka jingiathoh shongkurim (ka mut ia kito kiba la shah rong noh bad kiba la mihpat kiba ia shem ia u Trai Jisu ha Suin bneng) u khun langbrot u Blei. Jingpynpaw 19:5-9./ Ephesos 5:25-32.
Ha ka juh ka por ia ki 7 tylli ki pliang jingbitar u Blei un theh. Jingpynpaw 16:2-16. Kandon ruh ka thma bah Armagedon tang shisngi. Jingpynpaw 16:12-16./ 17:14/ 19:11-21. Hadien kane u Angel u Blei un pynbna – “LA PYNDEP” Jingpynpaw 16:17.

Ha kane ka rukom, yn pynkut noh ia ka por ki jingjynjar bah bad ka por ba u soitan Mrad khlaw u synshar ia kane ka pyrthei 1290 sngi. Daniel 12:11.
Kumta ngin sa ia peit pat ia ka bynta ki 1335 sngi ba la ong da u Daniel. Daniel 12:12. Bad ia ka 1000 snem. Amen.