Nongpoh: Uwei u heprit uba dang phra snem ka rta bad uba dang pule Class-2 ha kawei ka skul shimet (Private School) ba la paw bha ha Nongpoh bad ha Ri Bhoi hi baroh kawei, u kyndit eh haba u la tip ba kham heh ka jingsiew ki Nonghikai ha kito ki skul LP bad UP (Govt School), ban ia kito ki Nonghikai ha ki skul shimet, kiba hikai ha kito ki skul kiba don ia ki Building kiba bha, ba stai bad kiba biang lut nadong shadong.
Kum uwei na ki nonglum khubor, nga la ioh ban iakren shi slem bha bad utei u heprit, ha kaba nga la ioh ban iakren halor kaei kaba u sngew haba iadei bad ka jingbym iohlad shuh ban leit skul, kata hadien ka jingwan ka khlam COVID-19, ka long pat kaba sngewtynnad ban iohsngew ia ka sur jong utei u heprit, uba la pynpaw ba ha kaba kum kane ka por ba ka COVID-19, ka bha hi ban khang ki skul, khnang ban lait na ka jingsaphriang ka khlam COVID-19, bad katei ka jubab jong u lehse, ka dei namar ba u la iohsngew ia ka jingkren ki kmie ki kpa jong u ne u iohsngew na kiwei ym tip.
Ha ka jingiakren shibun kiei kiei kiba iadei bad ki jaka pule na bynta ki khynnah rit. Nga la shu kum kylli kawei ia u bad kata ka jingkylli ka dei halor ka jingsiew ia ki Nonghikai, ha kaba nga la kylli na u “Mano ba kham ioh bun pisa, kito ki Nonghikai kiba hikai ha kito ki skul shnong ba jot (Govt School) ne kham ioh bun kito ki Nonghikai kiba hikai iaphi? Ka jubab kaba i kumba u sngew kumba dei ka ka jubab jong u, u ong kham heh jingsiew kito kiba hikai ia u, namar ki long kiba lehstai, kiba biang por, kiba hikai bha bad kumta ter ter.
Haba nga la iathuh hok ia u bad nga la ong, ba kham heh bun shah kito ki Nonghikai ha kito ki jot ban ia kito ki Nonghikai hapoh la skul kaba u leit, la iohi ba utei u heprit u la kyndit eh bad u la lyngoh hi ngain, ban tip ba kham heh jingsiew kito ki Nonghikai kiba hikai ha kito ki skul shnong (Govt School) ban ia kito ki Nonghikai kiba hikai ha kito ki skul ba bha bad kiba biang ka rukom ai jinghikai kaba biang ia ki khynnah.
Haba u la tip ba kham heh jingsiew kito ki Nonghikai ha ki skul jot, utei u Heprit u la buh jingkylli kylla, da kaba ong ba balei pat kham i stad kito ki khynnah kiba leit shah hikai ha kito ki Nonghikai ba duna jingsiew, katba kito ki khynnah kiba leit ha kito ki skul ba ki Nonghikai ki ioh jingsiew kaba heh, pynban ki khynnah kim da long kiba stad bad nalorkata, ka rukom pynlong skul kam long kumba long ha ka skul kaba nga leit.
Na ka jingkren utei u Heprit ba dang 8 snem, watla um pat kot ka jingmut jingpyrkhat ka jong u, hynrei la sngewthuh ba u sngewkhia eh ban tip ba noh shilliang ka rukom siew sha ki Nonghikai, lehse namar u iohi ba kito ki Nonghikai kiba trei shitom, ki duna ha ka jingioh, katba kito ki Nonghikai kiba ym da trei shitom bad nalorkata ba ki hikai ha ki skul kiba jot ba pei, hynrei ki ioh pat ia ka jingsiew kaba heh na ka sorkar.
Kaei ka jingthmu ba phi kwah ban wanrah lyngba kane. Sngewbha pynshai. Da nga pule nga sngew kumba pule jingiathuh khana lorni jongno re jongno. Nga kwah ioh ka jingthmu ka ba shai. Khublei shibun
Kane ka dei ka jingshisha ngi kiba hikai ha ki skul Pvt ka jingioh ka long Duna shaba palat ban ia nujor bd ki govt skul. Ym dei ba ngi hikai bha hynrei ngi shim ia ki khynnah Kum khun lade bad ngi ialeh katba lah ban pynbiang ha ki ym tang ka jingstad hynrei wat ka akor ka burom ruh. Kane ka khubor ka la dei ban leit sha ki shkor kiba halor lada long kaba lah
Ka jingnang thok kat u Rupang te wat ialehkai.Ki lah shu pynkit pop ia u khynnah 8 snem.Kane baroh dei tang la jingbishni.
Namar u to u khynnah u dangrit ta kd daw um sngewthuh , Ynda u ra rangbah un sa tip lut balei heh jinsiew ki bymwan tista-biangpor-ter² ban ia ki ba biang por-tista-ter² . Kadaw ka long kito kiba hikai ha ki skul jot bymbiang nadong shadong dei ki ba la buh da ki briew badon ha ka bor.