Ka jingpynshai halor ka jingkwah jingshai I Bah E Sohtun, East Khasi Hills, Bah J Lyngdoh Marshillong, South West Khasi Hills, Bah N Chen Bareh, Jaintia Hills, Bah A Nongkhlaw, Ri bhoi District bad kiwei kiwei, kiba la pan jingshai na nga ha ka Kot Khubor khasi U Rupang kaba la mih ha ka 27 tarik Jymmang 2021 halor ka jingkren ka jong nga kaba nga la ha ki lad pathai Khubor ha ka 25 tarik Jymmang 2021.
Haba iadei bad katei ka jingpang jingpynshai, nga don ban pynshai kumne harum: 1. Nyngkong eh nga ai khublei kyrpang ia baroh kine ki Rangbah kiba la pan jingshai na nga. Nga pdiang ba ka Ri India ka dei ka Ri ba ngi don ka jinglaitluid (Secularism) la ha kano kano ka niam, katkum ka Constitution ka Ri India. Ka jingong jong nga ba ka Meghalaya ka dei ka Christian State kam dei ba nga buaid niam lane pynshit niam lane ba nga wanrah ka jingsngewpher niam iano iano, hynrei nga kwah ban iathuh ha phi ba nga dei uwei na ki Nongialam uba pyrshah ia kiwei ruh kiba kren shaphang ka jingsngew iapher niam, haba ngi imlang bad sahlang ha kane ka Jylla baieid jong ngi, nga sngew ba ngi long kum shipara.
Hynrei nga kwah ban pynshai ba ka dei tang ka jingmut jongnga ban ong ba ka Jylla kaba ki ba bun ki Nongialam ha ka Saiñhima Sima ki dei ki Khristan bad kiba bun ki Nongshong Shnong ki dei ki Khristan, namar ba ka Jylla Meghalaya katkum ka census 2011 ki Khristan ki don kumba 75%. 2.
Ka jingthmu jongnga ban kren ha kato ka sngi, ka long beit thik ia ki para Nongialam ban kyrpad ba ngim dei tang ban shu ia kawang ktieh ha kum kane ka por kaba ka Jylla jongngi ka dang iakhun ia ka khlam COVID-19.
Hynrei ban ai ruh ia ki jingmut, ha kato ka jingkren jongng ruh ngam don kano kano ka jingiashah liang iano iano nga la kren ruh ba ki Nongialam ha ka sorkar haba don kiba kren pyrshah bad ai jingmut ia ka sorkar ka dei ban pynphai lane jubab ha kata rukom kaba donburom bad ka ba ai jinghun ia kito ki nongbuh jingkylli bad khamtam eh ia ki paidbah.
Khatduh eh nga kwah hi ban pynpaw ba marwei bad shimet te ngam lah pat ban len ba nga ngeit ha U Blei u ba nga Shakri, U Trai bad U Nongpynim jongnga U Jisu Khrist, uba la shah Iap halor ka Diengphna na bynta ki pop ki jong nga, uba la mih pat na jingtep ha ka sngi kaba lai bad mynta u don ha ka kti kamon Jong U Blei, nga ngeit ruh ba un sa wan pat sa shisien bad un sa bishar ruh ia ki jingleh Jong nga baroh.
nga ruh nga mynjur ia kata ba hangne ha Meghalaya te kham bun ki khristan kumta bun sien ngi kum ong ka jylla khristan.
Good bah Charles ….ngi kyrshan iaphi
Nga ai ka jingkyrshan ia ka jingkren bad jubab I bah Charles,namar I kren ia ki jingshisha ym da kaba buaid niam kumba sngew manore.
Ka biang Bah Marngar ngi ki paid Khristan ngi sngew dei ia kaba phi pashat jingmut, nang ai jingmut nangne sha khmat ia kaba dei ngin pdiang ia ka bym dei ngin sa ia bynrap lem
khublei bah Charles, ieng skhem bad iai sakhi ia la U Kynrad. wat tieng wat smiej, ma U hi un hikai kumnophin jubab. ngin duwai na ka bynta jong phi.
Boi ka jylla iong u pa mi sae, la da bun nae kha jiak , I ki wmtoh Kristan wymtoh u tymmoh Lang pho ya I , han la sah su shitroh hi Leh iong I te I iong I hi mo lok,
Ham mut u ioh pho u pynbiet ke, yei wa shah ah tdong heh mi ya me mut mi u pyntohlang sha ki wi.