Ai khublei kyrpang u SMR, ia ki lad pathai khubor ka jylla bad ong ba ki dei ki frontline workers

Shillong: Ka long kaei kaei kaba sngewkmen ia ki lad pathai khubor ban iohsngew ba ki ruh ki long ki shakri kiba hakhmat tam ban shakri ia u paidbah khamtam ha kum kane ka por ba ka jylla bad ka Ri hi baroh kawei ka shah lynshop ha ka khlam Covid-19.

U Bah Prestone Tynsong u ba dei u Symbud Myntri jong ka Sorkar Jylla mynta ka sngi ka 27 tarik u Jymmang 2021, u la ai khublei kyrpang ia baroh ki lad pathai khubor kiba la trei shitom miet la bad step ban ai jingpyntip na ka bynta ka jingtip jong ki paidbah jong ka jylla baroh kawei.
Haba kren sha ki lad pathai khubor u Bah Prestone Tynsong u la ong, “Nga kwah ban pyntip ba ngi na ka liang ka Sorkar iaphi ruh ngi shim ba phi la dei lypa ki frontline workers jong ka jylla ka jong ngi”.

Shuh shuh u Bah Prestone u la iawer lem ia ki lad pathai khubor baroh ba kin iatrei lem ryngkat bad ka Sorkar khnang ba ngin lah ban jop ia kane ka jingpang khlam kaba la wan lynshop tyngeh ha kane ka jylla ka jong ngi ha kane ka kynti kaba ar.