KA MIET KA LA NANGDIER, KA SNGI LA NANG JAN

AIS SUJA

Ka Ktien U Blei ka ong ka Miet ka la nangdier ka sngi la nang jan. kane ka thew ia ki por ki ia (age) ba kaba kut ki rta (age) ka la jan kein. NongRom 13:12.

Kumno ngi tip ba kata ka miet ka la nangdier bad kata ka sngi ka la jan? dei lyngba na ka ktien u Blei kein. Kata ka miet kaba dum kan leit noh ka jingdum kan phet noh katba kata ka sngi ka jingwan U Trai ka la nangjan. Kaba mut ba kaba kut ki ia (age) jong kiei kiei kiba ha kane ka pyrthei kala ha jan.

Kidon shibun ki dak kiba pyni shynna shaphang kata ka jingkut jong kiei kiei kiba ha kane ka pyrthei, bad ia kata lah ban iohi ha Israel namar ka Israel ka long ka baje jong ka pyrthei. Ka Jerusalem ka long ka kynta ka minit bad ka sekhon sha kaba kut jong ka ia (end of the age).

Ki synran u Jisu ki kylli ia u Jisu ki ong – “To iathuh ha ngi lano ba kine kiei kiei ruh kin long bad kaba wai noh ka pyrthei? (End of the age)? Mathaios 24:3.

Ha shwa baka miet kan dier. Ka sngi kan wan, kin don shibun ki jingjynjar jong u bynriew ha pyrthei bad ka long mynta kein. Kine ki jingjynjar ki long tang kiba rit eh kiba long ka lynti sha ka jynjar bah, Great Tribulation. U Jisu u ong – “Kine kiei kiei ki dei ban jia. Hynrei kaba kut kam pat jia. Mathaios 24:6. Ka jingialehthma para jaidbynriew ka hima ia ka hima, ki new sniew ki jingiap them (pandemics), jingkhyniuh jumai ha kylleng ki ri ka Pyrthei, kine ki long ki dak ka jingsdang ka jingjynjar. Mathaios 24:7-8. Hangne ngi iohi ba u Jisu u ong – Tangba “Kaba kut kam pat jia” Mathaios 24:6.

Ka pyrthei ka tyllun sha ki rta kiba khadduh ym dang mynta hynrei na duh ki snem ba la leit noh. Kata naduh ba u Diengdumbur (Israel) u la khie lung ha u snem 1948 A.D. U Jisu u ong haba phin iohi ia kine kiei kiei, to tip ba ka long hajan kata ka por ka jingjynjar bah.

Ka ktien u Blei kan pyndep ia kiei kiei baroh ba la kren. Haba u Diengdumbur u la khie lung: ka lyiur ka la jan. Ka lyiur kadei ka por kaba jynjar tam, ka long kata ka kordit bah ka bympat ju long na myndang long ka pyrthei, bad kan ymlong shuh ruh. Mathaios 24:21.

Kiei kiei baroh ki la iaid bad lajan poi haba kut artad. Haba u Jisu u kren ia u Diengdumbur kamut u kren shaphang ka Ri Israel. Ka Israel ka la long Super Power in Science and Technology mynta. Bad kala pynkhreh ruh ia ka thma kaba khraw ha pyrthei. Jeremaiah 51: 20-23.

Lyngba kane ka thma bah ka Israel kan pynjot thiaw ia ki Ri ki Hima ka pyrthei haduh ba ymdon shuh mano mano ba lah pyniasuk. Hynrei hakata ka por un wan mih u wei u riew khrawbor (anti-Christ) ban iateh jutang jingsuk (middle East Peace Treaty) bad ka Israel, da kaba un tyrwa ruh iaka Israel ban pynieng noh pat ia ka Temple Balai ha Jerusalem.

Kine kiei kiei kim long shuh kiba jngai mynta, ki don hajan eh. Tang shu pynieng ia kata ka Temple Balai, kan sdang artad kata ka por ba jynjar tam ka bympat ju jia mynno mynno, ba u Jisu u la ong. Dei hangne kin sdang ki 7 Jingpyndait (seventh seals). Jingpynpaw 6:1-17/ Jingpynpaw 8:1-5. Kine kin long ki por jong kata ka shitaiew kaba khadduh ba la ong da u Daniel Nongiathuhlypa. Daniel 9:24-27.

Ha ki Lai snem shiteng jong kata ka shitaiew, u mrad khlaw ne uta u jingijli un ieng hakata ka jaka bakhuid (Jerusalem Holy place). Mathaios 24:15. Un shong hakata ka Temple kaba Lai ha Jerusalem u leh Blei ia lade. 2 Thessoloni 2:4.

Kumta u Blei mynta hi u khot ia ki briew baroh ban kylla bamut ban bret noh ia kita ki jingleh ka jingdum, ban kieng noh ia ki Atiar ka jingshai, ym ban dih kyiad ne jingbuaid haka spah ka nam ka burom jong kane ka pyrthei, ym haka iakai kynthei ne ia nuti bad jakhlia ym ha ka iamai ia pihuin. Hynrei to kup ia u Jisu khrist u Trai. Namar ba ka miet ka la nangdier, ka sngi ka la jan. NongRom 13:11-14.

Tad haduh ba u Mrad khlaw un shynshar ruh, kaba kut kam pat jia. Kaba kut kan kut hadien ka 1000 snem bad u Blei un thang da ka ding iakane ka pyrthei. Jingpynpaw 20:9-10.

Kata ka ia ka la jan. Jingpynpaw 1:3. Amen.