Kylla khongpong kawei ka trok, ha Jeidohkroh

Shillong: Ha ka step phyrngab jong ka sngi nyngkong kata ka 24 tarik u Jymmang 2021, kawei ka trok kaba kit biskit kaba dang mih na Shillong bad thmu ban leit buh ia kitei ki biskit sha Nongstoiñ ka la kylla khongpong noh ha ka thaiñ Jeidohkroh kaba don hajan jong ka shnong Nongspung.

Katkum ki tyllong khubor kiba la ioh lum la iathuh ba hamar ba poi ha katei ka jaka la shu iohi satang ia ki briew kiba dang ia peitkai ia katei ka trok bad kitei ki briew ki la iathuh ruh ba katei ka trok ka la kylla naduh mynstep. Na ka liang jong kitei ki paidbah kim tip satia la utei u nongniah bad u nongbud jong katei ka trok ki dang ia im ne kumno ruh namar katkum ka rukom peit jong ka jingkylla khongpong jong katei ka trok la kham ishyrkhei bha.