Yn ther jur u slap ha ka jylla, naduh ka 26tarik Jymmang

Shillong: Ka lyer iong Yass, ka la khie ha ka Bay of Bengal bad ka beh shatei sepngi, ha ka jingstet kaba 4 kilometre ha ka shi kynta, ha ki hynriew kynta ba ladep.

Kumta, kan don ka jinghap slap ha Meghalaya, ha ka 26 haduh ka 28tarik Jymmang 2021.

Naduh ka por 8.30 mynstep, jong ka 26tarik Jymmang, haduh ka por 8.30 mynstep jong ka 27tarik Jymmang, kan don ka jinghap slap, kaba jur bad kaba jur bha, ha ki bynta jong ka East Khasi hills, South West Khasi hills bad ka East Garo hills, nangta kan don ka jinghap slap kaba jur ha West Garo hills bad South Garo hills.

Ha ka 27 haduh 28tarik, kan don ka jinghap slap kaba jur bha ha South West Khasi hills bad nangta kan don ka jinghap slap kaba jur ha East Khasi hills, South Garo hills bad East Garo hills.