Yn pyn long ain noh ha Assam, ban khang ban khaii masi

Guwhati: Ka sorkar BJP ha Assam, kan pyn trei kam noh shen, ia ka ain ban iada ia ki masi, ong U Jagdish Mukhi, u lat katei ka jylla.

Haba kren ha ka sngi sdang jong ka dorbar jylla, U Lat, u kren shai, ba katei ka ain, ka dei na ka bynta ban iada ia ki masi bad yn pynshitom ia kito kiba pynkhein ain.

“Katei ka ain, ka long ruh ban khang sbak, ia ka jing khaii masi shabar ka jylla” ong U Lat Jagdish Mukhi.

Ka seng BJP, ka jop da 60 ngut ki dkhot, ha ka elekshon ba dang shu dep bad ki kynhun, ba ka ia trei lang, ki jop da 15ngut.

U Lat ula kren shuh shuh, halor ka jing shimti noh, da ka sorkar, ia ki jaka kiba la shah kurup beain, ba kynthup ia ki jaka mane blei, na ki nong kurup jaka tuh.