Shillong: Ka Seng Jaiñtia Students’Movement Eastern Region hadien ba la ioh shibun ki Complaints/ ujor ba na ki paidbah jong ka District ba bun ki dukan die marbam kum ha ka iew Ladrymbai, Khliehriat, Sokiloo bad kiwei kiwei ki Iew hapoh ka District ba ki die wat ki marbam ba la kut por (Expiry Date) kane ka buh ia ka jingma ka ba khraw ia ka koit ka khiah jong ki paidbah jong ngi khamtam ia kito ki bym nang bym stad, ki bym bna ne pyrwa ban peit ne check ha shwa ban thied jingthied na ki Dukan.
Te ka Seng da ka jingsngewkhia myn hynnin ka sngi, hapoh ka jingialam U President, Bah Wellson Siangshai, ha jingsynranlang U bah S.Dkhar Vice President Central Body ryngkat bad ki Dkhot ka Seng ki la leit ia kynduh bad ai da ka jingthoh sha U District Food Safety Officer, Khliehriat Bah N. Lyngwi ban pynsngew ia kitei mat.
Te na ka liang jongu, u la pynsngew ba ma u ruh na ka por sha ka por, u la ju leit peit bad ai jing hikai sha ki paidbah ha kaba iadei bad kane ka mat bad la pynshitom ruh katkum ka kyndon ha ba lap ia kum kitei ki Dukan.
Te u la kyrpad ruh ba kum ka Seng ba peit ia ki jingeh na ka bynta ka bha ka miat jong ka imlang sahlang ba dei ban iatreilang bad la kyntu ruh ia ki paidbah ba lada ki lap bad shem ia kum kitei ki dukan ba kin sngewbha ban pyntip khnang ban ioh ban leh katkum ka Ain.
Kane ka Seng ka la dawa na utei u Officer ba u dei ban phah da ka jingthoh sha baroh ki Dukan jong batoh ki Iew ba don ha East Jaiñtia Hills, ba lada ka food safety department kam shim khia ban check ne ai notice sha ki dukan die marbam hapoh ka district ne pynurlong ia ka jingdawa ka seng, ka seng ym banse hap leh ia kaba donkam da kaba leit khynra ne ai notice sha ki dukan baroh hapoh ka district.
La ong ruh, ba lada ki ki paidbah la da phi shem ia kum kitei ki lah ruh ban pyntip ha une u mobile number 9863017612/ 8787789140.
Phi don ban ong eiei?