Shillong: U Director ka tnad ka koit ka khiah u Dr Aman War, u la pynshai ba ka daw ba kane ka jingpang ka ioh ban pursted kam dei ka shongkyrpang ha ing (Home Isolation), hynrei ka dei na ka jingbymbud pyrkhing ia ki protocol da ki briew kiba hap ban shongkyrpang.
Haba ia kren bad ki lad pathai khubor, na ka liang u Dr War, u la iathuh ba ban kynnoh ba ka jingphah shong kyrpang ka dei ka daw bah ban pursted kane ka khlam kadei kaba bakla hynrei ka jingpursted ka dei hi na ka jing khein sting jong ki briew ban bud ia ki jingbthah jong ka tnad ka koit ka khia.
U Dr War u la ong ba kat kum ka jingbthah jong ka tnad ka koit ka khiah, ia ki briew ba shong kyrpang ha ki ing ki sem ka dei ban shong marwei, ban deng ki mask bad ban sanitization.
“Hynrei ka jingpursted jong kane ka khlam ka dei namar ka jingshimsting jong ki ha kaba ki ia khleh lang bad ki ba ha ing ha sem bad kane ka wanrah ia ka jingpursted kane ka jingpang” U la bynrap.
U Dr Aman u la iathuh ba don na ki case ba ki kmie ki kpa ki bym ju mih shaei shaei ruh ki ioh positive ha kaba ki ba haing jong ki, ki buh jing kylli ba kumno ki kmie ki kpa jong ki kin ngat ha kane ka jingpang haba kim ju mih shabar hynrei ki klet pat ba ki dei ma ki, hi ki ba mih shabar ki bym shim khia bad ki ba pynbit jingpang ia ki kmie ki kpa jong ki.
U DHS, u la ong ba lyngba ba kane ka jingkhang dam jong ka sorkar kan pynlong ia ki ba kin shim khia bad ba kin khang dam hi ialade bad da ka ba kin shim khia kumne kan wanrah ia ka jinghiar ka ne ka jingpang ha ka jylla.
Phi don ban ong eiei?