Ka riam ka beit, ka la i kynsha tasam ha kine ki sngi bad ka jing ia bud tynneng, ka long kaba la jubor haduh katta katta, khamtam ia ka rukom im sha ki ri sepngi.
Ha North Korea, U Kim Jong-un, u nong synshar jong katei ka Ri, ula pynmih da ka hukum kaba tyngeh, na ka bynta kito kiba ia riam khyllah, kiba kynthup ia ka jing khap shniuh lymmuh dai bad nangta, sa ka jing phong ia ki jeans, kiba la tar bun jaka bad kiba pyni, ia ka dohmet jong ki briew bad katei ka rukom riam, ka la sdang ban rung ha ki samla jong ka North Korea.
Kane ka ri, kan sa twa, kumba twa ka nan, lada ym lah ban khang noh shi syndon, ia kane ka rukom riam, kaba shu bud tynneng, na ki riew lak don putit, ong ka khubor jong katei ka Ri.
Kumta la pynmih ia ka kyndon kaba tyngeh ban khang ia kito kiba jing ai rukom shniuh, kiba bun rong bad la khang ruh ban ksam lane ban oh shrong ia ka met ka phad, ha ka dur jong ki tattoo bad lada lap ia kitei kiba leh pyrshah, yn phah ia ki, sha ka jaka trei bylla, kaba ki hap trei shitom bha, ong U Kim Jong Un.
Ka rukom khap shniuh ruh, ka hap ha katei hi ka kyndon, ha kaba ki don mynta, kiba khap rit sha khlieih bad ki pynjrong pat sa shadien, kaba dei ka rukom leh, kaba la ju leh sha ri sepngi, lane kaba la ju khap da U Joe Exotic, uba dei u nong ialehkai Tiger King.
Ka kotkhubor jong ka North Korea, kaba la pynmih da ka sorkar, ka kren shai ba ka Ri, ba ka histori, ka pyni, ba ka Ri, kan sa khyllem kumba ka khyllem ka nan bah, lada jia ba ym lah ban pynneh ia la ka rukom riam rukom beit tynrai. “Ngi dei ban sngew diaw mynsiem, lada ka don kano kano ka jing bud tynneh ia ka rukom im jong ki don lak don putit bad ngi dei ban pynduh shi syndon”.
Mynta ka North Korea, ka ailad tang 15 jait, ki rukom khap shniuh bad kiba khap ia kiwei pat ki style, kum kaba khap bowl lane kaba ki ong, kaba kham lyngkot shakhmat bad pynjrong shadien, kin ngat ha ka jing pynshitom kaba tyngeh, ong ka khubor.
Phi don ban ong eiei?