Pynjot thiaw ka Israel, ia ka submarine ki Hamas

Ki liengsuin iapom jong ka Israel, ki la pynjot thiaw, da ka jingther bom ia ka submarine jong ki ehrang Hamas, ha Gaza.

Katei ka dei ka submarine, kaba pyniaid da u remote controll bad ka don ka jingthmu ban leit khyrwit ia ki jhad jong ka Israel lane ia ka kad shna lyer jong katei ka Ri.

Ki liengsuin iapom ka Israel, ki la ioh ruh ban ther bom bad pyniap ia ki ehrang Hamas, kiba shong ha kawei ka kali, kaba pyniaid da u remote ia katei ka submarine bad la ioh ban pynjot ia ka submarine bad kumjuh ban pyniap ia ki ehrang, kiba shong ha kawei ka kali.

Ka Hamas, ka don ia ki submarine, kiba rit, kiba lah ban kit ia ki tiar siat, kiba haduh 30 kilo eiei, haba ka iaid hapo um bad kitei ki dei kiba la pyniaid da u remote control lane da ka GPS.