Lait ka nongpang corona, na ka thylliej ding, ha jaka thang

Kawei ka briew, ka la lait da ka said, na ka jingshah thang im, na ka daw, ba ka don ia ka jingpang corona.

Katei ka dei ka Shakuntala Gaikwad bad la leit ialam ia ka, ha ka taiew ba ladep, sha ka Silver Jubilee Hospital ha Baramati, hynrei katei ka hospital, kam pdiang shuh, ia katei ka nongpang, namar ba ka hospital, ka la dap smam da ki nongpang.

Kumta kiba ha iing, ki la wad ia ka kali kit nongpang, hynrei, na ka jingslem jong ka kali kit nongpang, katei ka briew, ka la long, kumba ka la iap bad mar kumta, ki la pynkhreh noh mar mar ban leit thang noh ia ka.

La leit rah sha ka jaka thang, ia katei kaba iap bad la pynkhreh ia ki dieng thang, hynrei ha shwa ban buh ia ka met jongka, ha ka jaka thang bad ban ai ding, ka la kyndit na ka jingiap bad ka la lynniar tyngeh, da ka jing kyndit, ba la leit rah ia ka sha ka jaka thang met iap.

Mar kumta, la rah noh ia ka sha hospital bad mynta, ka don ha ka jing shah sumar.