Shah beh ki MP na Dorbar, ba tah rong

Newdelhi, 4 Lber:
Arngut ki MP ka BJP mynta ka sngi ki la rung hapoh ing dorbar ka Lok Sabha ryngkat ki rong ba ki tah ha khmut ha khmat jong ki bad ki la tur sha ki jaka shong jong ki ban shong. U Jagdambika Pal bad uwei pat u MP ka BJP ki la rung ha ing dorbar ha ka por ba dang ia kren ia ka jingpynkylla ia ka Insurance Laws (Amendment) Bill . Wat la u synbud shongknor u M Thambidurai um shym la ong eiei, hynrei la iohsngew bha ba u ong ia kitei ki para dkhot jong u ba ka kam long kaba dei. Hadien katei uwei pat u MP na ka seng BJP hi u Brij Bhushan Sharan Singh u la leit pasiaw sha u Pal bad u la phah ba un mih noh na ing dorbar, u Pal bad uwei pat u para MP jong u, u bym lah ban ithuh shuh ki la mih noh napoh ing Dorbar.