Ka khlam corona, kam ktah ia kiba shah sngi bad shah slap, ka ktah ia kiba im ha ki kamra air condition

New Delhi: Ha ka khlam corona, ki don shibun ki jing batai bapher bapher. Ki stad kot ruh ki batai bad wat ki stad politiks ruh ki batai hi.

U Vijay Kumar Sinha, uba dei u lamphang dorbar, jong ka Bihar, hynnin ka sngi, ula kynthoh, halor ka khlam corona, da kaba u ong, ba kiba bun ki nong India, kiba dei ki nongrep, kiba shah ia ka sngi bad ia u slap, kim dei satia ban tieng ia ka khlam corona, namar ba kan nym ktah satia ia ki.

U Sinha, u ong shuh ba katei ka khlam, ka trei bha, ia kito kiba shong ha ki kamra air-conditioned, lane kaba mut ia ki nong sor, hynrei, kan nym ktah satia ia kito kiba im ha ki nongkyndong.

Khyndiat sngi mynshwa, U Trivendra Singh Rawat, myntri rangbah barim ka Uttarakhand, ula kynthoh, da kaba ong “Haba shu peit na ka jing batai ka philosophy, u khniang corona virus, u dei u kynja ba im bad kumta, u don ia ka hok ban ia im lang bad ngi, hynrei haba ngi shim, ba ngi dei kiba stad, kumta ngi dei ban pyniap kein ia u”, ong U Rawat.