Bthah ka sorkar ia ki DC ban phikir na ka Swine Flu

Shillong, 3 Lber:  
U Myntri Rangbah ka jylla u Dr Mukul Sangma hynne ka sngi u la ong ba ka sorkar ka la bthah sha baroh ki Deputy Commissioner ban phikir bha na ka jingpang swine flu da ka jingiasnohkti lang bad ka tnad ka koit ka khiah ha ka jylla.
U Dr Sangma u la ong ba ka sorkar ka la phah khubor sha baroh ki Deputy Commissioner bad kane ka dei ka por ha kaba baroh ki tnad sorkar ki dei ban iatreilang bad u DC ban ialeh pyrshah ia kane ka jingpang.
Shwa ia kane, u myntri ka koit ka khiah u Bah AL Hek u la pynthi kna ba haduh mynta kam pat satia kano kano ka jinglap ia kane ka jing pang swine flu ha ka jylla bad ka tnad ka la shim khia bad bthah ia baroh ki jaka sumar ban long kiba phikir bad husiar ban shim ia ki lad ki lynti.