Pynher shithi ka SOMALA ban pynsangeh ia ka NPR ha jylla

Shillong, 2 Lber:
Ka Social Organisation of Meghalaya Against Land Alienation (SOMALA) ka la pynher shithi sha u myntri tnad kam pohiing ka ri da kaba dawa ban pynsangeh shwa ia ka jingthmu ban pyn treikam ia ka National Population Register (NPR) haduh ban da lah ban pynbeit shwa ia ka kam wan rung beain ki briew nabar.
Ha ka shithi ba la phah sha u myntri khynnah ka tnad pohiing ka ri u Kiren Rijiju, ka SOMLA ka la ong ba ka sorkar jylla kam shym la shym la pyntreikam ia ka Meghalaya Transfer of  Land Regulation Act 1971.
Haba kdew ia ka jingmih jong ki kompeni dewbilat kiba ieng beain ha ka jylla, ka SOMALA ka la ong ba ka jingwanrah briew ban ai kam nabar da ki kompeni ka long kaba jubor bad pyrshah ia ka riti synshar ka ri katkum ka Sixth Schedule.
Ka SOMALA ka la pynpaw ba ka Industrial policy ka jylla, ki trai riewlum ki ioh kam tang khyndiat bad ki la duh ruh ia ki jaka puta namar ka jingwan rung ki briew nabar.
Katkum ka jingong ka SOMALA, ki riew lum ka Meghalaya ka lah ban shim ia ki lad ki lynti na ka jingthmu ban shim jaka kum ka lad ban iada ia ka jingshim jaka jong ki kompeni bad ban iada ia ka jingwan rung ki briew nabar.