La pynkut ia ka jing pynlip bor ding, ka MeECL ha ka Jylla

Shillong:U James K Sangma, myntri bor ding ka sorkar jylla, u ai jing iaroh ia ka jingtrei shitom jong U Arunkumar Kembhavi, CMD ka MeECL ba mynta, ka jylla, ka la biang ia ka jingdon bor ding bad ula ong shuh shuh “Nga pynbna namarkata, ba ia ka jing pynlip ding, la pynkut noh, naduh mynta ka sngi” ong ka jingthoh U James K Sangma, ha ka peij jongu ha facebook, hynnin ka sngi.

Ha kawei pat ka khubor, na ka liang U Arun Kembhavi, Chairman Cum Managing Director, ka MeECL, u iathuh ba ka jing sangeh, ia ka jing pynlip, ka la sdang naduh ka 1tarik Jymmang 2021. La iathuh ba ka jing don bor ding, haduh mynta, ka long tang 60 MW, na kaba donkam 350 MW bad la khmih lynti, ba ka bor ding, kan biang pura, ha U Jylliew lane U Naitung. Haduh mynta, la iathuh ba shi unit ka OTPC Palatana, ka dang don ha ka jing bym pat trei kam. Ha ki khyndiat sngi, la ioh lad ban iakren bad kiwei ki tnat sam bor ding bad mynta, la lah ban pynbiang, ia ka jing donkam bor ding bad ban pyndap, ia ka jingduna, kaba long antad, hapdeng ka 60-80MW.

La pyntip da U Kembhavi, myn hynnin ka sngi, ba naduh mynta, yn pyn thikna, ba ka jing ioh bor ding, kan biang pura, naduh mynta bad baroh 24 kynta sha baroh ki bynta jong ka jylla bad ia ka jing pynlip ding ruh, la weng noh naduh mynta ka sngi hi.