Dawa siangrong ka FKJGP sha Lum Mawthadraishan

Nongstoin, 1 Lber:
Ka FKJGP Maw thadraishan Circle ka dawa jur ia u nongmih khmat jong ka thain, bad khamtam ia ka sorkar jylla ba kan shim khia ban siangrong noh ia ka surok  na Nongshillong- sha u Lum Mawthadraishan.
Ha ka kyrwoh khu bor bala phah da U Samla S. Langrin General Secretary ka FKJGP Maw thadraishan Circle u la ong ba u lum Mawthadraishan u long u wei na ki lum bala bna nam  bad ityn nad  bha  ha WKH bad wat ha ka jylla hi baroh ka wei , kaba la khring ruh ia  ki nongwan jngohkai pyrthei, hynrei kaba sngewsih pat ka long halor ka jingsniew palat ka surok naduh Nongshil long  shaduh u tei u lum. Ha ka jingleit jurip jong ka seng FKJGP ia ka tei ka surok dang shen ka la ong ba ka la lap  tyng krein  ba ka long ka surok kaba la sniew  bad khohruh khohram  haduh  katta katta  ha kaba ki ba bun ki kali rit kim lait ban kiew bad ki hap ban pynhiar noh shwa ia ki paitbah. 
Na ka liang ka FKJGP ka dawa jur na ka sorkar ba ka dei ban peit bad shim ia ka jingkit khlieh  ban siangrong noh khnang kan long ka jingpynsuk ia ki ba bun ki nongwan jngoh kai ha u tei u lum bad ba  ki paidbah kin lait na ka jingjynjar bad ki jingeh. Ka FKJGP ka la byrngem ba lada ym leh eie ia katei ka surok kan shim da ki lad kiba tyngeh.