U Bah Jemino Mawthoh, u ba dei u General Secretary jong ka United Democratic Party(UDP) bad u ba dei ruh u nongmihkhmat barim jong ka Nongthymmai Constituency u la ngat ia ka jingpang Covid 19 bad la lap ba u long positive hynnin ka sngi Saitjaiñ kata ka 8 tarik u Jymmang 2021.
Haba kren sha ki katto katne ki lad pathai khubor lyngba ka phone, u Bah Jemino Mawthoh u la iathuh ba um don kano kano ka jingshitom ha ka met bad u shait u khlaiñ beit bad u don ha iing lajong.
U Bah Jemino Mawthoh u la iathuh ba u la leit phah test ialade hadien ba u la iakynduh bad ki briew kiba don ia kane ka jingpang. U Bah Jemino u la ruh ong ba na ka liang jong u, u la pyrshang katba lah ban nym ioh ia kane ka jingpang ha kaba u la bud thik thik ia ki kyndon hynrei ym lah biang pat hangne hangtei.
Phi don ban ong eiei?