Lum U Mukul ia ki ophisar, ban sted ka Time Square ha Polo

Shillong,
27 Rymphang:
U Myntri Rangbah ka jylla u  Dr. Mukul Sangma lem bad ki myn tri mynta ka sngi u la khot jingialang ia ki ophisar ban pyniaid sted ia ka jingtei ia ka Iew Polo kum ka Time Square ha Newyork la Amerika.
Kane ka jingialang ka la iakren ruh ban pynshna pynheh bad pynbha ia ki surok sha sor Shillong Thymmai.
Ka jingialang ka la iathir ban pynheh ia ka surok Shillong-Dieng pasoh bad Mawdiang diang-Mawlong bad ban pynwandur thymmai ia ka iew Polo bad ka jingai jaka ia ki nongdie madan.
Ka sorkar kham mynshwa, ka la dep mang pisa na ka bynta ban pynheh ia ka surok sha IHM bad  IIM. Ha kane ka jingialang u Myntri Rangbah u la bthah ia ka MGCCL bad ka PWD ban iaid shakhmat ban sdang ia kane ka kam bad ban pynsted ia ka jingshim jaka na ka bynta kane ka kam.  U Dr Sangma u la ong ba ka jingheh ka surok kam dei ban duna ia ka 32 metre bad ban pyniakhlad 1.5 metre ka jingheh bad ban thung dieng ha jaka ba pyniakhlad ia ki surok. La bthah ruh ban don ka lynti iaid jong ki briew harud jong ki surok bad ki jaka pynmareh saikil.
Ha kaba iadei bad ka jingpynthymmai ia ka iew Polo, u myntri rangbah u la bthah ia ka NBCC ban pynbiang ia ki jingshna dur baroh. “Kan don tang kawei ka Shillong bad kawei ka iew Polo, bad ka jingshna dur kan long ka nuksa ha kaba ia ka Iew Polo yn long kum ka Times Square ha New York bad kum u Eiffel Tower ha nongbah Paris ka France”  la ong u Dr Sangma.    
U la ong ba ym dei ban tieng ia ka pisa namar ba ia kane ka projek lah ruh ban pyntreikam lyngba ka PPP.
Ka sorkar ka la buh por ia ka NBCC ban pyndep ia ka jingshna dur ha shwa ka 9 tarik Lber, 2015. Kiwei ki jingdonkam kum ka jing pynitynnad ia ki phud wad ka Wahumkhrah, ban pynbeit ia ka rukom shna iing ha ka nongbah, bad kiwei la iakren ha kane ka jingialang.
Ha kane ka jingialang la don lang ka myntri kam pohiing ka Kong Roshan Warjri, u myntri ka koit ka khiah u Bah A. L. Hek,  ka mynri sor ka Kong Ampareen Lyngdoh, u Bah R.V. Lyngdoh bad u Principal Secretary ka tnad sor u  Prashant Naik nalor kiwei ki heh sorkar.