Shah ban trei iing, ban die mar bam ha ki sngi jing khang dam

Shillong: Hadien ba ka sorkar jylla ka la rai ban bteng ia ka jingkhangdam ha ka East Khasi Hills district haduh ka 5 baje mynstep jong ka 17tarik u Jymmang 2021. Ha kaba ka sorkar ka la pyllait ia ki katto katne ki kam ha ka por ba treikam ka jingpakhang.

Ha ba iathuh halor kane na ka liang u bah Prestone Tynsong, u la ong ba namar ba ki briew ki ba bun ki ba shah ktah ha ka khlam Covid -19 ki dei ha East khasi Hill District, hynrei ka sorkar jylla ka la pyllait ia ki katto katne ki kam.

Ka sorkar jylla ka la pynlait ia ki dukan ki ba hap hapoh ki Essential Commodities ha ki shnong ki thaw ba kin plie, hynrei kine kin hap hapoh ka jingpynbeit jong ki Dorbar Shnong bad ki dei ban bud pyrkhing ia ki SOPs. Ha kaba iadei bad ka examin na ka bynta ki Class XII, ka sorkar ka la rai ban kynriah shuwa bad la aiti ia ka tnad pule puthi ban pynmih ia ki jingbthah halor kane ka bynta.

La shah ban plie ia ki Banks bad ki Post Office hynrei ia kine ki jaka trei kam ki dei ban pynduna ia ka jing wan ki nongtrei.

Ka sorkar ka shah ruh ia ki briew ki ba pynpoi ia ki marbam mardih sha ki ingbriew (Home Delivery).

Ka sorkar jylla ka la shah ruh ban trei ia ki kam tei iing, ha ka ba ki nongtrei bylla ki dei ban sah ha jaka trei jong ki bad ka dei ha ka jingpeit jong ki Contractor ban pynthikna ba ki nongtrei kim dei ban mih na ka jaka trei jong ki bad kane ka dei na ka bynta baroh ki district. Ka jingtrei 100 sngi (MGNREGS)ki ba ha baroh kawei ka jylla yn ailad ban trei ha ryngkat ka jingbud pyrkhing ia ki protocol.

Ha ka ba iadei bad ka rep ka riang ka jylla ka ailad ban trei ha baroh kawei ka jylla ha ryngkat ka jingbud ia ki protocol.

Ha ka ba iadei bad ki marrep mar riang hadien ba ka sorkar ka la ioh bun ki jingud ha ka ba iadei bad ki marrep, kumta ka sorkar ka la rai ban pyntrei kam biang ia ka Nari /1971 iTeams.

U Symbud myntri rangbah, u la kyntu ia ki nongshong shnong ha ka jylla ba ki dei ban shim khia ban bud pyrkhing ia ki jingbthah jong ka sprkar bad ban ai vaccine khnang ban lah ban teh lakam ia ka khlam Covid -19 ha ka jylla.