U Surendra Singh, U MLA jongka seng BJP, ha Uttar Pradesh, u ai jingmut ia ki paidbah, ba kin ia dih noh, da ka umjung masi, ba kin lah ban beh krad lai lum lai wah, ia ka khlam corona. U Surendra Singh, u dei U MLA na Bairia ha Ballia district, ha kaba ula pyni, da ka video, kumno ba u ju dih tista ialade da ka umjung masi.
U Surendra Singh, u kam ba ka jingkoit jingkhiah jong ka met jongu, ka dei ba u dih tista, da ka jung masi, wat la u dei uba bunkam bad u trei kam 18 kynta ha ka sngi, kum u nongmih khmat paidbah.
Ula batai, ba ia ka umjung masi, dei ban dih ha ka por ba ka kpoh kam don jingbam eiei, ha ka por mynstep bad ula batai ban dih ar, haduh lai shamoit ka umjung masi bad khleh lang bad ka um shi klat. “Hadien ba phi la dep dih ia ka umjung masi, wat bam eiei, na ka bynta shi kynta” bad ula pyn thikna, ba ka umjung masi, kam shym iada satia, tang ia ka khlam corona, hynrei baroh jait ki jingpang, kin duh jait syndon na ka met jong u briew, khamtam lei ka jingpang klongsnam.
U Surendra Singh, u ai jingmut ia ki paidbah, ba lada jia ba kim don, ia ka masi lajong, ka ban jung man ka sngi, ki lah ban thied da ka umjung, kaba la shna kyrpang, da ka kompeni dawai Patanjali.
Phi don ban ong eiei?