6ngut kiba iap na ka khlam covid, na Umpling, Umsyiem, Lad Mawreng

Shillong: U Anil Mandal (39) na Assam, u leit shah sumar ha NEIGHRIMS, Shillong bad ula khlad noh hynnin ka sngi, na ka daw jong ka khlam covid 19.

Ka kong Meniories Kongwang (55), na Umsyiem, ka leit shah sumar ha Civil Hospital, Shillong, ha ka 4tarik bad ka la khlad noh, ha ka 6tarik mynta u bnai, na ka khlam corona.
Ia ka kong Jenny Marki Dhar (85), na Umpling, la leit rah, ia kaba la dep iap ha Bethany Hospital, ha ka 6tarik mynta u bnai bad ka jingkhlad jongka, ka dei na ka jingpang covid.

U bah Desplin Marbaniang (55) na Lad Mawreng, ula leit shah sumar ha H Gordon Roberts hospital, ha ka 30tarik Iaiong bad ula khlad noh mynta ka sngi, na ka khlam covid.

U bah Kleeon Thabah (60), na Sohiong, East Khasi hills, u leit shah sumar ha ka 6tarik bad khlad noh mynta ka sngi, na ka daw jong ka covid. Bad U Tony Singha (37) na Lumjingshai, East Khasi Hills, la leit rah ia u briew, uba la dep iap, mynta ka step ha Civil hospital, Shillong. Utei, ua don ia ka jingpang covid, naduh ka 30tarik Iaiong 201 bad ula kem hadien kata, hynrei, ula khlad noh, ha shwa ban leit rah sha hospital.