Shillong:Ka Seng Kynthei ka Congress lane ka Meghalaya Pradesh Mahila Congress Committee ka pynrem jur ia ka Sorkar MDA ha kaba iadei bad ka jing pynbna khangdam kaba kynsan kynsan khlem da pyrkhat ia ka jing koit jing khiah bad ia ki jingeh ba kynduh ki riew paidbah la ha sor ne sha ki thain nongkyndong.
Lymba kane ka kyrwoh ka State President Mahila Congress ka Kong Joplyn S. Shylla, ka ong ” Kane ka jing pynbna khangdam kaba kynsan kynsan khlem da niewkor ne pyrkhat iaki jingeh ba ktah iaki briew ba bun, khlem da pynshong nongrim ka long kaei kaei kaba ym iahap haka synshar khaddar ba kum kane”.
“Ngi lyngngoh ba u Chief Minister u Conrad K. Sangma, um shem la khot lane ia syllok lang bad ka liang pyrshah ban iatreilang bad ban ia twad jingmut lang ha kaba iadei bad kane ka jingialeh pyrshah ia u Covid 19. Wat kato ka Covid State Committee ba la seng mynshem snem hapoh ka jingialam U Dr.D.D.Lapang kam shem poi shano shano bad lah shu jah rngai kata ka Committee” ong ka kyrwoh.
La ong biang, ba ka jingeh ba kynduh ki paidbah mynta ka dei tang ka jing artatien suda naduh ki ba trei bylla ki Nongdie jhur, kiba trei ki kam barit, kito kiba hala ki kam bapher bapher, kane ka dei ka jingeh kaba khraw ba ap iaka Jylla baroh kawei.
Ka Mahila Congress ka buh jingkylli ia ka BJP bad ia ki party riewlum ba hato ki dang don ne em ka sur hapoh ka sorkar synroplang ne lehse ia ki ruh, ka NPP ka buh sha kyndong? La ong shuh shuh, ba naduh ka jing kiew kynsan kynsan ki marbam mardih ka long kaba thamula ba na kita ki bor sorkar ym shem lah don ka jing wad bniah ban tehlakam ia kum kane ka por ba shim kabu ki briew.
Ha kaba iadei bad ka koit ka khiah,ka Mahila Congress ka buh jing kylli ia u myntri uba dei peit iaka tnat koit ka khiah ka Jylla, ba hato u lah leit ban jurip ne em ia ki jing pynbiang ki tiar ki tar ban pyndonkam haki CHCs bad PHCs ban iakhun pyrshah une u Covid 19? “Hato,u la bniah ba katno tylli ki ventilators, oxygen oxigenerators, oxygen stock, ambulance bad kiwei kiwei ki tiar kiba donkam ban iarap ia kito kiba ioh pang na une u khlam Covid? Lah pynbiang ne em ia ki jaka sumar ia ki ba pang Covid sha Nongkyndong ne hap ia tuid lut sha ki hospital ba don ha sor Shillong”.
“Ngi ban jur ba u CM bad ia ka kynhun myntri jong u, ba kin kren bad batai ia ki jing shisha ban ia kaba buhrieh ia ki jingduna namar u paidbah ruh kin lah ban pynkhreh lada donkam” ong ka kyrwoh. Ka seng ka ai khublei kyrpang duh iaki doktor, ki nos, ki lab tech, ki nongniah ambulance, ki nong pynkhuid surok, ki riew treimon sngewbha ki kynhun treimon sngewbha, iaki pulit ba pyniaid ryntih iaki Dorbar Shnong ruh kiba iasnohkti lang ha kane ka jingeh ba wan tynshop ia ka imlang-sahlang.
Riew pyrshah te shu pyrshah beit wat de dei ha ha iap ka im ruh Kim sngewthuh.., ki kwah beit ia ka burom pyrthei.
Naduh kito ki por ba la sdang pur biang une u khniang jingpang Covid 19 ka sorkar ka la dep Maham lypa ba yn sa don ka jingkham dam biang lane ka ta ka lockdown… Baroh baroh ngi la ia tip ba kan sa long kumta. Bad ka don kam hi ruh ban leh kumta. Te balei kane ka congress mahila kam tip seh shaphang kane ka khlam kaba la pur Sted kumne. Kam da don kam hi ruh ba ka sorkar kan pan jingiatrei lang na ka Liang pyrshah haba iadei bad kane ka khlam. Te da kaba burom ka bha shibun eh ia ki Congress Mahila lane kino kino ki seng ba kim dei ban long ki nongkhang lynti haba dei bad ka Jing ialeh pyrshah ia kane ka khlam.