Kynthih, ka khun khadduh, ha ka ding kaba thang ia ka met iap u kpa, uba ioh corona

Barmer: Ka jingjia, kaba sngewsih shi katdei bad katei ka long, ba kawei ka kynthei briew, kaba 34 snem ka rta, ka la kynthih ialade, ha ka ding kaba thang ia u kpa jongka, uba iap na ka jingpang khlam covid 19. Katei ka jingjia, ka dei ha Barmer jong ka jylla Rajasthan.

Katei ka briew, ka don ha ka jing shitom kaba jur, ha ka jingshah sumar ha hospital, namar ka jinging ding, ha ka met jongka.

La iathuh ba U Damodardas Sharda (73), ula khlad ha ka sngi ba ar, na ka khlam corona, hynrei ha ka por ba thang ia u, ka Chandra Sharda, kaba dei ka khun khadduh jongu, ka la kynthih ialade ha ka ding, kaba thang ia u kpa jongka. La sei kyrkieh ia ka, na katei ka ding, hynrei, ka met jongka, ka la ing la 70 percent.