Ioh Covid 19 ka Actress Deepika Padukone

Ka Actress bapawnam jong ka Bollywood, ka Deepika Padukone ka la ioh ia ka jingpang Covid 19 bad mynta ka don ha Bangalore bad ki bahaiing hasem jong ka. Dang katto katne kynta mynta ka sngi, la ioh khubor ba u kpa jong ka Deepika, u Prakash Padukone, ka kmie jong ka, ka Ujjala bad ka para jong ka, ka Anisha ki la ioh ia u Covid 19.

Dang ha u bnai ba dang shu dep, la iohi ia ka Deepika bad u lok jong ka u ba dei hi u aktor, u Ranveer Singh ha airport jong ka Mumbai. Kine ki shikurim ki la leit sha Bengaluru ban ia pynlut la ka por bad ki bahaiing hasem jong kane ka Actress.