Ka elekshon MLA ha kane ka kynti, ka don ki jingjia kiba kham pher bad kane kawei, ka dei halor ka jingjop elekshon, da u khlem naia pyrshah ia klur pati bad katei ka dei ka jingjia ha Thiruthuraipoondi jong ka Tamil Nadu.
U kandidet ka CPI, U K Marimuthu, u sah ialade ha kawei ka iing phlang bad u iakhun pyrshah ia U Sureshkumar, uba dei u kandidet dap klur jong ka seng AIADMK. U Marimuthu, u sah ha kawei ka iing phlang, ha ka shnong Kaduvakudi bad u shet jingshet ruh, da ka dpei, namar ba um don pisa ban buh lyer shet.
U Marimuthu, u dei uba la kyrshan da ka DMK kaba don ha ka kynhun Secular Progressive Alliance, u pynliem ia U Sureshkumar da 29,102 vote. U Marimuthu, u ioh 95,785 vote, katba U Sureshkumar jong ka seng AIADMK, u ioh 66,683 vote.
Ha ka aphidavit elekshon, U Marimuthi, u iathuh ba ka tnga jongu, ka don ia 75 cent ka khyndew bad ialade pat u don pisa T.3 hajar ha kti bad nangta sa ka pisa hapoh Bank, kaba long T.58,156 bad ka tnga jongu, ka don pisa T.1,000 ha kti bad sa kiwei de ki tiar kiba ka don ki shongdor T.79,304.
Phi don ban ong eiei?