Yn khang ia ka Iew Markasa ha ka 6 tarik u Jymmang

Shillong: Hadien ka jingsdang wan lynshop biang ka jingpang Covid 19 ha ka jylla bad ka jingnang iai kiew jong ki briew kiba ioh ia kane ka jingpang, na ka liang ka Dorbar Shnong Markasa kaba hap hapoh ka West Khasi Hills District sa shisien ka la shim ia ka rai ban khang ia ka Iew Markasa ha ka 6 tarik U Jymmang 2021.

Haba kren sha ki katto katne ngut ki lad pathai khubor, u Bah T S Warjri u ba dei u Sordar jong ka shnong Markasa West Khasi Hills u la ong ba na ka da ka jingiaikiew jong ka jingpang Covid 19 ha ka jylla kumta ka la pynlong ia ka Dorbar Shnong ban shim ia ka rai ba ia ka sngi long iew Markasa kaba dei ban long ha ka 6 tarik u Jymmang 2021 yn pynsangeh noh shwa tad haduh ban da pynbna da kumwei pat bad u Bah TS Warjri u la phah ia kane ka jingpyntip ruh sha baroh ki nongshong iew bad ki nongwan iew ka Markasa.