Mih ka dikshoneri Khasi

Shillong,
25 Rymphang:
Ka dikshoneri kaba kyrteng ka “Ka Modern English-Khasi Dictionary” – kaba la pynbeit biang ha ka sien kaba saw, kaba don 447 sla kaba la thoh da u Fr. Francis Kharwanlang, ka la mih pyrthei biang. Ha katei ka sien shon kaba saw la pynbun shuh shuh ia ki kyntien phareng ki bym ju kham pyndonkam ha ki dikshoneri phareng kum ka selfie, ipad, iphone, ipod, cellphone, smartphone, soft copy, bad kiwei, bad la nang pynbun ruh ki kyntien kiba kham jwat ban sngewthuh ha ka ktien phareng. Lah ban ioh ia kane ka Dikshoneri na bun ki dukan die kot sawdong ka Ri Khasi Jaintia. Kawei na ki dukan ba die-laka (wholesale) ka don ha Iewduh Motphran (Shillong), addres: “The Shillong Co-operative Marketing Society Ltd”.