Sa 321 ngut kiba ioh pang corona ha ka jylla, 5ngut kiba iap

Shillong: Mynta ka sngi, ki don 321 ngut kiba ioh pang covid ha ka jylla.
Ka East Jaintia Hills, ka don 11ngut kiba ioh pang thymmai bad ka East Khasi Hills, ka don 212 ngut kiba ioh pang thymmai bad na kitei ki kynthup ia 55ngut ki high risk contact, nangta kiba wan phai na shabar jylla, ki long 57ngut.

Kiba pang ki kiew ruh ha Mawdiangdiang bad ha Mawlai, ha kaba ki don mar 6ngut kiba dang shu ioh ia katei ka jingpang.

Ka Ribhoi, ka don 15 ngut kiba ioh pang thymmai, nangta ka West Garo hills 41 ngut, nangta ka West Jaintia hills 20ngut bad ka West Khasi hills 11ngut.
Kiba iap mynta ka sngi, ki long 5ngut, ha kaba 4ngut, ki dei ha East Khasi Hills bad iwei ha East Jaintia hills.