U Maw ba iasyriem ia u bilor biar ha krem Lawbah

Shillong,
25 Rymphang:
Ka Dorbar shnong Lawbah ka la lap ia kawei ka krem ba phylla hapoh katei ka shnong Lawbah kaba jngai kumba 14 km na ka shnong Mawsynram ban poi sha katei ka jaka.
Kane ka Krem ka don ia ki jingbuh jingsad ba phylla kum ki Maw bynna kiba long kum ki Mawjymbuin da ka jing jaw ki um nalor, ki maw ba jaw um pat ki stem, itynnad, u maw ba isyriem ia u bilor biar, u maw ba thiah iap kum u sniang bad kiwei kiwei de ki dur ba phylla.
Ha katei ka krem don ruh ka jaka kaba beh lyer dait thah ba beh lyer pyngngad bad pyntngen bha ia ki jingmut jing pyrkhat. Ka long ruh ka krem kaba khring bad pynkwah ruh bunsien ban leit rung.
Ka Dorbar shnong Lawbah ka shim ba kane ka dei ka jingbuh kyrpang jong u Blei hapneh ka Mei Ramew ka ri Khasi.
Ka la rai ban sumar sukher ia katei ka krem kum ka jaka jngoh kai pyrthei.
Ka Dorbar shnong ka la maham ruh ia ki briew kiba rung ha katei ka krem kim dei ban leh klumar ne pynpait pynpra.
Kane ka long katkum ka kyrwoh khubor da u DK Wahlang u Rangbah shnong ka Lawbah.