Jah rngai 22ngut, sa 60ngut ki riewniam, kiba wan na Kumbh, ki ioh corona

60ngut na ki 61ngut ki riewniam, kiba leit sha ka lehniam Kumbh, ki ioh ia ka khlam corona bad sa 22ngut kiwei pat ki la jah rngai. Katei ka dei ha ka shnong Vidisha jong ka Madhya Pradesh.

Katei ka jingjia, ka la pynkyndit ia ki paidbah ha Gyaraspur, ka shnong rit, kaba don kumba 40 Kilometre na Vidisha district jong ka Madhya Pradesh.

Ki bor distrik, ki la wad ia kitei kiba wan phai na Kumbh, hynrei, ki la lap ba na ki 83ngut, ki la don kiba jah 22ngut bad na ki 61ngut, ki don 60ngut kiba ioh ia ka khlam corona virus.

Ki bor district jong ka Vidisha, ki iathuh ba 83ngut ki sadhu, ki la leit sha Haridwar, hapdeng ka 11tarik haduh ka 15tarik Iaiong 2021.