Babu Kular Khongjirem
Wat lada ka sorkar ka la pynbna ban pyrkhing(declared containment zones) ia ki jingialum paidbah bad jingia hui hui paidbah ha sor Shillong,Tura bad Jowai,hynrei ka sorkar ka la kren shai ba katei ka jingpyrkhing iaid paidbah kan ym don satia kano kano ka jingpynthud ne jingpynwit ia ka jingiaid beit ka MBOSE Exam kaban long hadien ka 1st May 2021 ter ter haduh ba kan da kut.
Ka jingrai ka sorkar ban pyndep beit ia ka exam paidbah ( public exam) ka biang namar kan lait ruh na ki kynrum kynram,ki jingartatien ha ka jingmut jingpyrkhat ym tang ka sorkar bad ki bor pyniaid ka MBOSE hynrei ruh kan lait na ka jingartatien ki nonghikai,ki khynnah skul bad ki kmie ki kpa jong ki khynnah ruh kumjuh.Shisien ba la dep ka exam,ym don jingeh than ia ka MBOSE ba kan pyniaid beit ia ki kam correct paper(evaluation work) bad ki kam khein bad jingpynrung mark sheet(tabulation work) ia ki nongialeh exam(candidates).
Ka result jong ka SSLC bad HSSLC kan sa mih(declared) ha ka por ba la mang wat la kan don hi ka jingbym ryntih ha ka jingpynrung class (admission) lada kane ka jinglong(prevailing situation)kan dang bteng ha ki khyndiat bnai kiban sa wan.Donbok ba kiei kiei kiei baroh kin iaid beit kumba la thmu. Hynrei,hadien ka 1st May 2021 ba la pynbna ban don ka jingpyrkhing ia ki nongiaid nongwan(containment time),ka sorkar bad ka police Dept.kidei ban tip bad sngewthuh ba ki nonghikai,ki khynnah skul kiban wan ialeh ia ka SSLC/HSSLC kim dei satia tang na nongbah Shillong/Jowai/Tura.Kiba bun na ki dei kiba wan thoh exam kidei kiba wan na ki jaka ba kham jngai jong kitei ki sor(Shillong,Jowai,Tura).Kiba bun hi ruh ki hap ban shaniah ban wan thoh exam ha ki kali kamai kum ki taxi,bus,ki sumo,etc.Kin don tang khyndiat eh ki khynnah skul kiba ioh ne don kali lajong.Lada kim ioh kali ban wan thoh exam hadien ka 1st May 2021,kumno ka sorkar bad MBOSE kan pyrkhat ia ki?Kan ai lad biang ban ialeh biang kumba ka leh ia kito kiba ioh Covid-19 ne kin shu pyn sah klass(declare failed) noh ia ki.Ki taxi kiba kit ia ki khynnah skul ba phong uniform bad ki nonghikai kiba don ha ka duty Exam ki dei ban iaid lait(exempt) hadien ka 1st May2021.Ki bus saw ne kali sorkar ruh ki dei ban pynbiang kumba ki la leh mynshwa.
Ka MBOSE bad ki bor sorkar ki dei ban pyrkhat bha ban wad ki lad ki lynti baroh khnang ba katei ka exam paidbah kan iaid beit khlem jingdkoh bad ban lait ruh na kino kino ki jingeh kiba lah ban mih hadien ka 1st May 2021 khamtam ia kito ki khynnah kiban ialeh ia ka exam jongki ha nongbah Shillong,Jowai bad Tura.
Phi don ban ong eiei?