1tarik Jymmang, yn pynlong jing duwai shah jingit, ka balang Katholik

Shillong:Ka Balang Katholik, ka khot ka wer ïa baroh ki Nongsharai mynsiem, ki paid riewngeit na ka bynta ka sngi ba kyr pang ban duwai bad shah jingit ha ka 1 tarik u bnai Jym mang, 2021, ha kaba ïadei bad ka jingkiew sted ka khlam Corona virus.

Katkum ka shithi ba la soi lyngba u Vicar General ka Jylla niambah Shil long u Rev. Fr Richard Majaw ka pynpaw ba ha kyrteng jong u Lyngdoh Sad ka Jyl laniambah Shillong, U Rev Victor Lyngdoh, ka ong ba baroh ki riewniam, bad ki paid riewngeit kin sngewbha ban pyndep kyrpang ïa katei ka sngi.
“Kumba baroh ngi ïatip ïa ka jingïaleh hapoh ka imlang sahlang na ka daw jong kane ka khlam kaba lah ktah ïa ka jingim ki briew hangne ha ka ri jong ngi bad ha pyrthei baroh kawei, kumta ngi donkam ka jingïarap bad ka jingïada kaba kyrpang jong U Blei. Ka jingduwai jong ngi kum ka Balang bad ka jingduwai ha la marwei ka long kaba kongsan ha kum kane ka por.

Ngin ïasnohkti lang bad baroh ki riewngeit kiba dem ha U Khrist. Ngi dem kyrpad ïa phi baroh ban duwai kyrpang ha katei ka sngi kaba ngi lah bthah haneng. Sngewbha shi kynta ai ïa por ba kyrpang ban ïa duwai lang ha la ki jong ki ïing ki sem ha ka por janmiet na ka bynta kane ka jingthmu. Ha ka jingngeit bad jingduwai ngin jop ïa kane ka jingïaleh,” pynkut ka kyrwoh na u Rev. Fr Richard Majaw, Vicar General ka Jyllaniambah Shillong.