Ka Seng All Meghalaya Karbi Association (AMKA) ka dap da ka jingsngewkhia bad jingsngewsih ban tip lyngba ki lad pathai khubor ba ka la don ka jingshah thombor ia ki dkhot ka Seng United Hynniewtrep Movement (UHM) ha ka por ba ki leit ban tohkit ia ka jing wan shna ka police Outpost ha ka shnong Saba kaba don ha khappud ka Meghalaya bad Assam. Ngi na ka Seng AMKA bad kiwei kiwei ki Seng Karbi kiba don ha Meghalaya, kum ka Karbi students Association of Meghalaya (KSAM) bad All Meghalaya Karbi Women Asssociation (AMKWA), ngi sngew ba lada la don shisha ka jingshah thombor ia ki dkhot ka Seng UHM, ngi pynrem jur ia kum kine ki kam runar ba leh pyrshah ia ki dkhot sengbhalang na Meghalaya kiba ngi sngew kum ki hynmen bad para Jong ngi hi. Ngi dawa ba ki bor Jong ka Ain ki dei ban thwet bad Kem ia ki runar kiba don kti ha katei ka kam leh riewkhlaw bad ban pynshitom Kat kum ka ain. Ha ka juk ka por ka Seng AMKA ka kyntu ia ka sorkar jylla ba Kan shimkhia ban pynbeit noh kloi ia u pud u sam batikhna bad ka jylla Assam khnang ba kan ym mih shuh kino kino ki jingjia ba sngewsih hadien habud. Ka seng ka kyrpad ruh ia ka Seng ka kyrpad ruh ia ka Seng UHM bad kiwei kiwei ki sengbhalang kiba don ha Meghalaya ban sngewthuh ba Kam don satia ka jingiashun para jaidbynriew, hynrei ki jingjia ha khappud kiba mih hateng hateng ka dei beit na ka daw ka jingiakajia khappud (border dispute). Ki Karbi ki ieit bad burom ia ki Khasi Pnar kiba ngi la shong iasah lang ryngkat naduh hyndai hynthai bad ngi sngew iaphi kum ki hynmen Rangbah jong ngi. Kumta ngi kyrpad ia ki paid Khasi Pnar ba ngin pynneh ia ka shnong suk shong sain kumba ngi ju long baroh shi katta.
Shri Owen Terang
President AMKA
Ngim lah shaniah shuh iaki karbi naduh mynta .namar ban pom naphang iaki dkhot ka seng uhm khlem ka jingialeh kalong ka bymlah ban pdiang daleilei .ngim lah ban shu sngap kumto ngi hap hi ban leh eiei naka bynta ka jait briew jong ngi wat lada ngin hap jaw snam da ki phew sien hynrei ngi long kiba la khreh ban ialeh hakano kano ka khyllipmat.