Don 147ngut kiba ioh khlam corona, ha ka jylla

Shillong: Ki don 147ngut kiba ioh mynta ka sngi, ia ka khlam covid ha ka jylla.

Ha East Jaintia hills, ki don 7ngut bad ha East Khasi Hills, ki don 90ngut bd kitie ki kynthup ia 19ngut kiba wan phai na shabar jylla bad nangtas sa 22 ngut ki high risk contact. Ha Jaiaw, i don iwei, ha Jail Road 2 ngut, Jhalupara iwei, Laban 2ngut, Laitumkhrah 4 ngut, Mawlai 4 ngut, Mawprem iwei, Nongmynsong iwei, Nongrah 3, Nongrim Hills iwei, Nongthymmai 3, Police Bazaar 3, Polo 2, Rilbong 1, Rynjah bad Umpling mar 2 ngut.

Ka Ribhoi ka don 12 ngut bad kitei ki kynthup ia 7ngut kiba wan phai na shabar, ka West Garo Hills, ka don 22 ngut, ka West Jaintia Hills 4ngut bad ka West Khasi hills 5ngut.

Kiba iap, ki don 4ngut, ha kaba 3ngut na East Khasi hills bad iwei na South Garo hills.
Kiba jem na ka jingpang, ki long 90ngut. Baroh kiba dang don ha ka iingpang, ki long 1,456 ngut.