Kren niew bein u heh duh ka RSS ia ka Mother Teressa rKa leh sbun, tang ban pynkylla kristan:Bhagwat

Shillong,
23 Rymphang:
U nongialam jong ka RSS, U Mohan Bhagwat, ula ther ha kane ka kynti, ia ka Mother Teresa, kaba la sumar ia kiba pang niang lyngkut, da kaba u ong ba ka jingleh sbun jongka, ka dei tang ka buit ban pynkylla kristan ia ki briew.
Ha ka jingialang ha Bharatpur mynta ka sngi, U Bhagwat, ula ong ba u mynjur, ia ki kam babha jong ka Mother Teresa, hynrei, ula kynthoh, ba kitei ki kam babha, ki dei tang da kawei ka jingmut bad kata, ka long ban pynkylla kristan ia ki briew.
Ha kawei pat ka khubor, U bah John Kharshiing, uwei na ki nongialam jong ka seng Congress ha ka Jylla bad U Co Chairman ka Meghalaya State Planning Board, ula pynrem jur ia ka jingkren jong U Bhagwat, ha kaba u iathuh ba ka jingdon jong ka jaka sumar niang lyngkut ha Nongpoh, ka dei ka nuksa jong ki kam babha jong ka Mother Teresa. “Kitei ki jingkren, ki la pynlehrain ia ka Ri jongngi ha khmat ka pyrthei” ong U Bah Kharshiing.