Ym donkam shuh ban deng mask, haba mih shabar ha Israel

Ka Israel, naduh ka sngi U Blei, ba ladep, ka la weng noh ia ka kyndon ban deng mask, shaba iaid ba ieng, shaba leit ba wan.

Katei ka dei namar ba ka jingpang corona, ka la hiar jur ha ka Ri baroh kawei bad kumta, la pynbna, ban sangeh noh, ka jingdeng mask haba ia leit ia wan sha ki jaka paidbah, kaba sdang naduh ka 18tarik Iaiong 2021.

Ka Israel, ka dang bthah ia ki nongshong shnong, ban deng mask, ha ki jaka ia lum briew ia bun bad nangta ban deng ha ki jaka ba ia bun briew, hapoh ki iing ki sem ne ki kamra.

Ka Israel, ka la sdang ban injek ia ki nongshong shnong jongka, ban pyrshah ia ka khlam covid, naduh U Nohprah 2020 bad ka dei ruh, ka ri kaba stet tam ban pyndep ia ka jing injek corono, ha satlak ka pyrthei.