Da ka skum sim, u tap, ia la ka khmut bad ka shyntur

Mahabubnagar: Namar ka jing nang jur jong ka khlam corona ha India, ki bor sorkar, ki ia wer ia ki paidbah, ba kin tap shyntur bad tap khmut bha ialade, hynrei na ka bynta une u rangbah, um don pisa ban thied jingtap shyntur bad tap khmut, hynrei, u leh da ka buit kaba kham pher ban sop ia la ka jong ka shyntur bad ka khmut.

U Mekala Kurmayya, u dei uba na Chinnamunugal Chad ha Mahbubnagar district jong ka Telengana bad utei u dei ban leit sha ka ophis jongu, ban shim, ia la ka jong ka pension, hynrei, um don pisa ban thied jingsop shyntur bad kumta, ula leit sha khlaw bad wad da ka skum sim bad mar ia ioh ia ka skum sim, u tap ia la ka khmut bad ka shyntur bad u sa leit sha ka ophis sorkar. Katei ka jingleh jongu, ka la pyn lyngngoh ia baroh, tangba ula pyndep ia la ka jong ka kamram.