Palat hajar, poi ki shipai shongthait ha ka jingialang ba shisnem

Shillong,
22 Rymphang:
Palat shi hajar ngut eiei ki shipai ba la shongthait, ki tnga jong ki shipai ba la khladnoh, ki khun jong ki shipai, kynthup ruh ia ki Ophisar ba la shongthait bad ki bahaing hasem, ki lawan iashim bynta ha ka jingialang kaba long shisien shi snem ba lapyn long da ka Directorate ka Sainik Welfare ha Assam RegimentalCentre, ha Happy Valley Shillong ha kane ka sngi Saitjain.
Ha kane ka jing ialang la ai mynsiem da u Myntri Rangbah ka jylla uDr Mukul Sangma uba la kular ba ka sorkar kan shimkhia ia ki jingeh baki shipai ba la shongthait bad u la kyntu ruh ia ki shipai ba lashongthait na ka kam ha ka rta kaba dang kham samla ba kin shim ia kilad ki kabu ba la plie da ka Sokar ha ki kam bapher bapher.
Ia kane ka jingialang la pynlong ban pynshai ia ki skhim bapherbapher ia kiba la pynbna da ka tnat shipai bad ka Sorkar Jylla bad kilad aikam kiba ka Sorkar ka don ban ai ia ki.
U Myntri Rangbah uba long ruh ha kajuh ka por u President ka RajyaSainik Board, u la ong ba ki shipai ki lah ban long ki nongnohsynniangkiba khraw sha ka imlang ka sahlang ka jylla bad kyntu ia ka tnatshipai ba kan peit lem ia ki lad ki kabu kiba ka sorkar jylla ka ai haka liang ka aikam aijam sha ki shipai bad ki khun ki kti jong ki.
U la ong ba ka sorkar ka la kloi ban shimkhia ia ka jingtyrwa ba laphah da ka Sainik Welfare, kaba kynthup ia ka jingshna ia ka SainikRest House ha Shillong bad Tura, ka jingshna ia ka ophis jong ka ZilaSainik Board ha Tura, ka jingpynrungkam biang bad ai jingiarap ia kishipai ba la shongthait, ia  ki kurim jong ki shipai ba la khladnohbad ban kyntiew ia ka Ecology Battalion.
U Myntri Rangbah ha kane ka sngi u la sam ia ki khusnam sha ki 11ngut kiba la ioh ia ka Gallantry Award bad ia ki jingai sngewbha shaki 60 ngut ki shipai kynthup ruh ia ki kurim jong ki shipai.    U GOC ka 101 Area, u Lt. Gen, S P Nawathe bad u AOC-in-C ka EasternAir Command, Air Marshal S. B. Deo ruh ki kren ha kane ka jingialang
katba u Secretary Rajya Sainik Board & Director Sainik Welfare,  u
Brig. William J.B Sturgeon u la maitphang ia ki skhim bapher bapher ba
ka sorkar pdeng bad kumjuh na ka sorkar jylla ki la tyrwa ia ki shipai
ba la shongthait.