Kiew sha ka 1,131 ngut kiba ioh corona, 180 ngut mynta ka sngi

Shillong: Ki don mynta 180 ngut kiba ioh pang covid 19. Kitei ki kynthup ia 10ngut na East Jaintia Hills, ha kaba 4ngut ki dei kiba wan phai na shabar jylla, uwei uba pang ILI, 5ngut ki high risk contact.

Ka East Khasi hills, ka don 118ngut ki nongpang bad kitei ki kynthup ia 53 ngut kiba wan phai na shabar jylla, 7ngut ki shipai, uwei u health worker, uwei ha Bishnupur, 32 ngut ki high risk, iwei ha Mawlai, 6ngut kiba don ILI, iwei ha Mawbah, iwei ha Laitumkhrah, 3 ha Nongmensong, 2 ha Madanrting, 4 ha Police Bazaar, 3 ha Polo bad 3ngut kiba leh screening.

Ha Ribhoi ki don 14ngut bad kitei ki kynthup ia 2ngut kiba wan phai na shabar, 5ngut ki high risk bad 7ngut kiba leh screening.

Ka South Garo hills, ka don iwei, nangta ka South West Khasi hills 3ngut bad ka West Jaintia Hills 31ngut, ha kaba 7ngut ki dei kiba wan phai na shabar bad 24ngut ki high risk bad ka West Khasi hills, ka don 3ngut.

Haduh mynta, ki don 1,131 ngut kiba don ia ka pang khlam ha ka jylla bad ka East Khasi hills, ka don 811ngut baroh. Kiba jem na ka jingpang, ki long 68ngut baroh.